logo

మంచిరోజు కాదని సినిమా చూడద్దు అన్నారట

Nandamuri BalakrishnaNandamuri Balakrishna

జాతకాలను మరియు సెంటిమెంట్లను ఫాలో అయ్యే వాళ్లు బయటే కాకుండా టాలీవుడ్ లో కూడా ఎక్కువ మందే ఉన్నారు. స్టార్ హీరో అయినా దర్శకుడైనా సినిమాల విషయంలో కొన్ని సెంటిమెంట్ ఫాలో అవుతూనే ఉంటారు. అలాంటి వారిలో మొట్టమొదటిగా నందమూరి బాలకృష్ణ గురించి చెప్పుకోవాలి. కాస్ట్యూమ్స్ దగ్గర నుండి సినిమా టైటిల్ వరకు ప్రతి విషయంలోనూ సెంటిమెంటును ఫాలో అయ్యే బాలయ్య ఎన్టీఆర్ బయోపిక్ విషయంలో కూడా అదే చేస్తున్నారు. ఎన్టీఆర్ బయోపిక్ లో మొదటి పార్ట్ అయిన 'ఎన్టీఆర్ కథానాయకుడు' సినిమా జనవరి 9న విడుదల కావాల్సి ఉంది. అయితే ఈ సినిమా సెన్సార్ సర్టిఫికేషన్ ఇంకా పూర్తి కాలేదు.

డిసెంబర్ 29 వ తారీకున ముహుర్తాలు లేవని, అది మంచి రోజు కాదని అన్నారట బాలయ్య సినిమా సెన్సార్ చేయించలేదట. కనీసం 31 వ తారీఖు లోపు సినిమా చూపించాల్సిందే లేకపోతే సెన్సార్ సర్టిఫికెట్ కోసం మళ్లీ అప్లై చేయాల్సి వస్తుంది అని సెన్సార్ బోర్డు వారు హెచ్చరించినప్పటికీ, బాలయ్య మాత్రం జనవరి 3 వ తారీఖు బాగుందని ఆ రోజు సెన్సార్ పనులు పూర్తి అవ్వాలని అనుకుంటున్నారట. అలాగే డిస్ట్రిబ్యూటర్లకు సినిమా పంపిణీ చేసే విషయంలో కూడా మంచి సమయం చూసి చేయనున్నారని సమాచారం. ఇక ఈ సినిమాలో ఓ విద్యాబాలన్ ఎన్టీఆర్ భార్య బసవతారకం పాత్రలో కనిపించిన విషయం తెలిసిందే. బయోపిక్ లో రెండవ పార్ట్ 'ఎన్టీఆర్ మహానాయకుడు' ఫిబ్రవరి 7 వ తారీఖు న విడుదల కానుంది.

లైవ్ టీవి

Share it
Top