Bheeshma: ఆ అయిదుగురు నా పంచప్రాణాలు... ఆ తర్వాతే నా భార్య

యంగ్ హీరో నితిన్ తాజాగా నటించిన చిత్రం 'భీష్మ'.. రష్మిక మందన హీరోయిన్ గా నటించింది. ఛలో ఫేం వెంకీ కుడుముల దర్శకత్వంలో తెరకెక్కిన ఈ చిత్రాన్ని సితార ఎంటర్‌టైన్మెంట్స్ బ్యానర్‌పై సూర్యదేవర నాగవంశీ నిర్మించారు. ఇప్పటికే విడుదల చేసిన టీజర్, సాంగ్స్ కి మంచి రెస్పాన్స్ వచ్చింది. నిన్న చిత్ర ప్రీ రిలీజ్ ఈవెంట్ ని నిర్వహించగా అందులో భాగంగా ట్రైలర్ ని రిలీజ్ చేశారు. ఇక ఈ ఈవెంట్ కి మాటల మాంత్రికుడు త్రివిక్రమ్ ముఖ్య అతిథిగా విచ్చేశారు.

ఈ సందర్భంగా హీరో నితిన్ మాట్లాడుతూ.. " స్క్రిప్ట్ పక్కాగా ఉండాలని అందుకే ఇంత గ్యాప్ తీసుకున్నానని నితిన్ అన్నాడు. దర్శకుడు వెంకీ నాకు పెద్ద ఫ్యాన్ అంట! అన్ని కమర్షియల్ ఎలిమెంట్స్ పెట్టి వెంకీ ఈ సినిమాని తీశాడు. నాకు మళ్లీ దిల్, సై తరవాత మళ్లీ అలాంటి యాంగిల్‌లో నన్ను చూపించాడు. ఇక ఫ్యాన్స్ అందరూ ఎప్పటి నుంచో అడుగుతున్న డాన్స్ ఈ సినిమాలో చేశాను. మళ్లీ జానీ మాస్టర్ సాంగ్ అనగానే నా బెండు తీస్తాడని తన డాన్స్ గురించి చెప్పుకొచ్చాడు" నితిన్..

ఇక సినిమా విషయం పక్కన పెట్టి పర్సనల్ విషయాల గురించి చెప్పుకొచ్చాడు నితిన్.. " నా లైఫ్‌లో పంచ ప్రాణాలు.. అమ్మ, నాన్న, అక్క, పవన్ కళ్యాణ్, త్రివిక్రమ్ అని ఇప్పుడు నాకు పెళ్లికాబోతోంది కాబట్టి తను నాకు ఆరో ప్రాణం షాలిని అని, నా జీవితంలో అత్యంత ముఖ్యమైన వ్యక్తులు ఈ ఆరుగురేనని నితిన్ చెప్పుకొచ్చాడు. ఇక త్రివిక్రమ్ గారితో పరిచయం, ఆయనతో 'అ ఆ' సినిమా చేయడం ఓ అదృష్టంగా భావిస్తానని, ఆయన నాకొక టార్చ్ బేరర్ అని నితిన్ వెల్లడించాడు. ఇక ఈ సినిమాకి మెలోడి బ్రహ్మ మణిశర్మ కుమారుడు మహతి స్వర సాగర్ సంగీతం సమకూర్చగా, సాయి శ్రీరామ్ సినిమాటోగ్రఫీ అందించారు.

ఇక ఈ సినిమా తర్వాత నితిన్ విభిన్నమైన కథలను తెరకెక్కించే చంద్రశేఖర్ ఏలేటి దర్శకత్వంలో ఓ సినిమాని, తొలిప్రేమ ఫేం వెంకీ అట్లూరి దర్శకత్వంలో రంగ్ దే చిత్రంలో నటిస్తున్నాడు. రంగ్ దే చిత్రంలో నితిన్ కి జోడిగా కీర్తి సురేష్ నటిస్తోంది. ఇక కృష్ణ చైతన్య దర్శకత్వంలో ఓ సినిమాని చేసేందుకు పిక్స్ అయ్యాడు నితిన్.. ఈ సినిమాలు వచ్చే సంవత్సరంలో విడుదల చేయనున్నారు.