క్రిష్ ఊరికే అన్నాడా లేక నిజంగా చేస్తాడా?

గత కొంత కాలంగా నందమూరి అభిమానులు అందరూ నందమూరి బాలకృష్ణ తనయుడు అయిన నందమూరి మోక్షజ్ఞ హీరోగా టాలీవుడ్ లో ఎప్పుడు ఇస్తాడా అని ఎదురు చూస్తున్నారు. మోక్షజ్ఞ లాంచ్ పై ఇప్పటికే చాలా పుకార్లు సోషల్ మీడియాలో సంచలనం సృష్టించాయి. 'గౌతమీపుత్ర శాతకర్ణి' సినిమా షూటింగ్ అప్పటినుండి, దర్శకుడు క్రిష్ మోక్షజ్ఞను టాలీవుడ్ లో హీరోగా లాంచ్ చేయనున్నారు అని టాక్ ఏర్పడింది. అది ఎన్టీఆర్ బయోపిక్ వరకు ఇంకా అలా కొనసాగుతూనే ఉంది. ఎన్టీఆర్ బయోపిక్ ప్రమోషన్స్ కోసం క్రిష్ మరియు బాలకృష్ణ 'నెంబర్ 1 యారి' కి వచ్చిన సంగతి తెలిసిందే. కనీసం ఇందులో అయినా ఒక క్లారిటీ ఇస్తారేమో అని ఎదురు చూస్తే ఆ పుకార్లకు ఆజ్యం పోసినట్లయింది.

మోక్షజ్ఞ, బాలకృష్ణ నటించిన 'ఆదిత్య 369' సీక్వెల్ సినిమాతో హీరోగా ఎంట్రీ ఇవ్వనున్నాడు అని వార్తలు మనం విన్నాం. కొన్ని కారణాల వల్ల సినిమా అటకెక్కింది అని టాక్. అయితే 'నంబర్ వన్ యారి' షో లో రానా క్రిష్ ను ఒక బాలయ్య సినిమాను మోక్షజ్ఞ తో రీమేక్ చేయాలి అనుకుంటే ఏ సినిమాలో చేస్తారు అని అడగగా క్రిష్ వెంటనే 'ఆదిత్య369' చెప్పారు. 1991లో సైన్స్ ఫిక్షన్ ఫాంటసీ థ్రిల్లర్ గా తెరకెక్కిన ఈ సినిమా బ్లాక్ బస్టర్ హిట్ అయింది. అయితే క్రిష్ కేవలం మాటలతో సరిపెడతాడా లేక నిజంగానే మోక్షజ్ఞ తో 'ఆదిత్య369' కు సీక్వెల్ తీస్తాడు అనేది వేచి చూడాల్సిందే.