'నాగేశ్వర రావు' గా నాగచైతన్య

యంగ్ హీరోలలో చాలా బిజీగా ఉన్న హీరో ఎవరు అంటే టక్కున గుర్తొచ్చే పేరు నాగచైతన్యననే.. గత ఏడాది మజీలీ, వెంకీ మామ లాంటి సూపర్ హిట్ సినిమాలను తన ఖాతాలో వేసుకున్న ఈ అక్కినేని వారసుడు ఇప్పుడు శేఖర్ కమ్ముల దర్శకత్వంలో వస్తున్న ' లవ్ స్టొరీ' సినిమాలో బిజీగా ఉన్నాడు. సాయి పల్లవి హీరోయిన్ గా నటిస్తోంది. ఈ సినిమాని వేసవిలో రిలీజ్ చేయనున్నారు. ఫిదా సినిమా తర్వాత శేఖర్ కమ్ముల దర్శకత్వంలో సినిమా వస్తుండడంతో ఈ సినిమాపైన భారీ అంచనాలు ఉన్నాయి.

ఇక ఈ సినిమా తర్వాత క్లాస్ డైరెక్టర్ పరుశురాం దర్శకత్వంలో ఓ సినిమాని చేసేందుకు సిద్దం అయ్యాడు చైతూ.. ఈ సినిమాని 14 ప్లస్ నిర్మిస్తోంది. ప్రస్తుతం స్క్రిప్ట్ వర్క్ జరుగుతుంది. సినిమాని త్వరలో సెట్స్ పైకి తీసుకువేల్తున్నారు. అయితే ఈ సినిమాకి 'నాగేశ్వర రావు' అనే టైటిల్ ని ఫిక్స్ చేసినట్టుగా తెలుస్తోంది. కథ పరంగా, చైతూ పాత్ర పరంగా ఇదే కరెక్ట్ టైటిల్ ని పరుశురాం భావిస్తున్నట్టు సమాచారం.. ఇక ఈ సినిమాలో హీరోయిన్ గా రష్మికని ఫిక్స్ చేసినట్టుగా సమాచారం. కానీ దీనిపైన ఎలాంటి అధికార ప్రకటన లేదు.

ఇక ఎప్పటినుంచి అనుకుంటున్నా బంగార్రాజు సినిమాని కూడా త్వరలో పట్టాలేక్కించే పనిలో ఉన్నారు నాగ్ , చైతూ.. ఎప్పటినుంచో అనుకుంటున్న ఈ సినిమా వాయిదాల మీద వాయిదా పడుతూ వస్తుంది. ప్రస్తుతం స్క్రిప్ట్ వర్క్ జరుపుకుంటున్న ఈ సినిమాని త్వరలోనే పట్టలేక్కించే పనిలో ఉన్నారు. అన్నపూర్ణ స్టూడియో పతాకంపై నాగ్ ఈ సినిమాని నిర్మించనున్నారు.