మంచు ఫ్యామిలీ బిగ్ అనౌన్స్.. 60 కోట్ల బడ్జెట్ తో పౌరాణిక చిత్రం

మంచు మోహన్ బాబు తనయుడుగా 'విష్ణు' సినిమాతో ఇండస్ట్రీకి పరిచయం అయ్యాడు మంచు విష్ణు.. డీ, దేనికైనా రెడీచిత్రాలు నటుడిగా మంచి గుర్తింపును తీసుకువచ్చాయి. అయితే ఈ మధ్య హిట్ లేకా సతమతం అవుతున్న విష్ణు కొంత గ్యాప్ తీసుకుని ప్రస్తుతం తెలుగు ఇంగ్లీష్ భాషాల్లో 'మోసగాళ్లు' అనే సినిమా చేస్తున్నాడు. ఈ సినిమాలో కాజల్ హీరోయిన్ గా నటిస్తోంది. ఇక ఇది ఇలా ఉంటే నిన్న మహాశివరాత్రి సందర్భంగా విష్ణు ప్రధాన పాత్రలో కలెక్షన్ కింగ్ మోహన్ బాబు ఓ భారీ ప్రాజెక్ట్ అనౌన్స్ చేశారు.

మహాశివరాత్రి సందర్భంగా మోహన్ బాబు నిన్న శ్రీకాళహస్తిని సందర్శించాడు. ఆ పుణ్యక్షేత్రంలోనే తన కొత్త ప్రాజెక్ట్‌ను ప్రకటించారు. . దాదాపుగా 60 కోట్ల బడ్జెట్‌తో పౌరాణిక చిత్రాన్ని మోహన్ బాబు నిర్మిస్తున్నారు. ఈ పౌరాణిక చిత్రంలో విష్ణు 'భక్త కన్నప్ప'గా కనిపించనున్నాడు. కాగా ఈ సినిమాలోని నటీనటులు సాంకేతిక నిపుణులు వివరాలు త్వరలో ప్రకటిస్తామని మోహన్ బాబు వెల్లడించారు. అయితే ఈ ప్రాజెక్ట్ ని డైరెక్ట్ చేసే దర్శకుడు ఎవరు అన్న ఆసక్తి నెలకొంది. ఇక భక్తకన్నప్ప లాంటి పౌరాణిక చిత్రం కావడంతో ఈ సినిమాపైన అంచనాలు నెలకొన్నాయి.

ఇక మరోవైపు మోహన్ బాబు చిన్న కుమారుడు మంచు మనోజ్ 'అహం బ్రహ్మస్మి' అనే సినిమాని చేస్తునట్టు ప్రకటించిన సంగతి తెలిసిందే.. ఈ సినిమాను మార్చి 6న లాంఛనంగా ప్రారంభించనున్నారు. తెలుగు, తమిళ , కన్నడ భాషల్లో రిలీజ్ అవుతున్న ఈ సినిమా ఓ కొత్త కాన్సెప్ట్ తో తెరకేక్కుతుందని తెలుస్తోంది. ఇందులో మనోజ్ రెండు విభిన్నమైన పాత్రలో కనిపించనున్నాడని సమాచారం. ఈ సినిమాని వచ్చే ఏడాది రిలీజ్ చేయనున్నారు. మరి ఈ సినిమా మనోజ్ కి ఎలాంటి విజయాన్ని అందిస్తుందో చూడాలి మరి!