logo

బయోపిక్ లో ముఖ్య పాత్రలో జగపతి బాబు

ఆంధ్రప్రదేశ్ మాజీ ముఖ్య మంత్రి , దివంగత నేత వైఎస్ రాజశేఖర్ రెడ్డి జీవిత చరిత్ర ఆధారంగా దర్శకుడు మహి వి రాఘవ్ ‘యాత్ర’ అనే సినిమాను మన ముందుకు తీసుకురాబోతున్నారు.

Jagapathi BabuJagapathi Babu

ఆంధ్రప్రదేశ్ మాజీ ముఖ్య మంత్రి , దివంగత నేత వైఎస్ రాజశేఖర్ రెడ్డి జీవిత చరిత్ర ఆధారంగా దర్శకుడు మహి వి రాఘవ్ 'యాత్ర' అనే సినిమాను మన ముందుకు తీసుకురాబోతున్నారు. మలయాళ మెగా స్టార్ మమ్ముట్టి ఈ సినిమాలో వైస్సార్ పాత్రలో కనపడనున్నారు. 'పాదయాత్ర' ప్రధానాంశంగా ఈ బయోపిక్ తెరకెక్కనునుంది. ఇప్పటికే టీజర్, పోస్టర్లు సినిమాపై మంచి ఇంప్రెషన్ కల్పించాయి. ఇక వైస్సార్ పాత్రలో మమ్మూట్టి పూర్తిగా ఒడిగిపోయారని తెలుస్తోంది. ఇక తాజా సమాచారం ప్రకారం ఈ చిత్రం లో ఒక ప్రముఖ నటుడు కూడా ముఖ్య పాత్ర పోషించనున్నారు.

ఆయన ఎవరో కాదు విలక్షణ నటుడు జగపతి బాబు ఈ చిత్రంలో ఆయన వైఎస్సార్ తండ్రి రాజారెడ్డి పాత్రలో నటిస్తున్నారు. ఈమధ్యనే దర్శకనిర్మాతలు జగపతి బాబు లుక్ ను విడుదల చేశారు. తెల్లని షర్టు, జేబులో పెన్ను, చేతికి వాచీ తో నమస్కారం చేస్తూ జగపతి ఈ పోస్టర్ లో కనపడ్డారు. జగపతి బాబు మమ్మూట్టి మధ్య సన్నివేశాలు ఎలా ఉండబోతున్నాయో అని ఫ్యాన్స్ ఆసక్తి గా ఎదురు చూస్తున్నారు. 70ఎమ్ఎమ్ ఎంటర్టైన్మెంట్స్ పతాకంఫై విజయ్ చిల్లా, శశి దేవిరెడ్డిలు సంయుక్తంగా ఈ సినిమాను నిర్మిస్తున్నారు. ఫిబ్రవరి 8న తెలుగు తోపాటు మలయాళం, తమిళ భాషల్లో ఈ సినిమా విడుదలకానుంది.





లైవ్ టీవి

Share it
Top