త్రిష, విజయ్ సేతుపతి జంటగా నటించిన `96`సినిమా ఎంత పెద్ద హిట్టయిందో పెద్దగా చెప్పాలిసిన అవసరం లేదు.
త్రిష, విజయ్ సేతుపతి జంటగా నటించిన `96`సినిమా ఎంత పెద్ద హిట్టయిందో పెద్దగా చెప్పాలిసిన అవసరం లేదు. కేవలం హిట్టు మాత్రమే కాదు. ఈ సినిమాకి ఎన్నో అవార్డులు కూడా వచ్చాయి. అయితే ఇప్పుడు ఈ సినిమాని తెలుగులో జాను అనే పేరుతో తెరకెక్కిస్తున్నారు. సమంత, శర్వానంద్ ప్రధాన పాత్రల్లో ఈ సినిమా తెరకెక్కింది.
దాదాపుగా చిత్రీకరణ పూర్తి చేసుకున్న ఈ సినిమా నుంచి ఫస్ట్ లుక్ కం లోగోను రిలీజ్ చేశారు. ఈ సినిమాకి గాను జాను అనే టైటిల్ ని ఖరారు చేశారు. సింపుల్ గా సినిమాకి సంబంధించిన లుక్ ని బయటకు రిలీజ్ చేశారు. అయితే ఈ పోస్టర్ లో హీరో శర్వానంద్ ఒంటెలను ఫోటో తీస్తున్నట్టుగా కనిపిస్తున్నాడు. అయితే ఈ పోస్టర్ ని గమనిస్తే ఈ సినిమాలో శర్వానంద్ వైల్డ్ లైఫ్ ఫోటోగ్రాఫర్గా కనిపిస్తున్నాడని తెలుస్తోంది.
ఈ సినిమాలో హీరోయిన్ గా నటిస్తున్న సమంత లుక్ ని మాత్రం రిలీజ్ చేయకపోవడం ఆమె అభిమానులకి కొంచం నిరాశను కలిగించిందనే చెప్పాలి. ఈ సినిమాని శ్రీ వెంకటేశ్వర క్రియేషన్స్ బ్యానర్పై దిల్ రాజు నిర్మిస్తుండగా ఒరిజినల్ వర్షన్ కి దర్శకత్వం వహించిన సి. ప్రేమ్కుమార్ దర్శకత్వం వహిస్తున్నాడు. గోవింద వసంత సంగీతమందిస్తున్నాడు. ఈ సినిమాపైన భారీ అంచనాలు ఉన్నాయి. ఈ సినిమాని జనవరి 7 న రిలీజ్ చేస్తున్నారు. ఇక సినిమా కథ విషయానికి వచ్చే సరికి స్కూల్ డేస్లో ప్రేమలో పడ్డ హీరో, హీరోయిన్లు ఇద్దరు ఆ తర్వాత కొన్ని కారణాలతో విడిపోవాల్సి వస్తుంది. ఇలా జరిగిన కొన్ని సంవత్సరాల తర్వాత మళ్ళీ కలుస్తారు. అప్పుడు వీరిద్దరి మధ్య ఎలాంటి పరిణామాలు చోటు చేసుకున్నాయి అన్న నేపథ్యంలో ఈ చిత్రాన్ని తెరకెక్కించారు.
పెళ్లి అయిన తర్వాత సమంత పాత్రకి ప్రాధాన్యత ఉన్న పాత్రలనే ఎంచుకుంటూ వస్తుంది. అందులో భాగంగానే యూ టర్న్ , మజిలి, ఓ బేబీ సినిమాలు వచ్చాయి. ఈ సినిమానే కాకుండా మరో రెండు సినిమాలు చేస్తుంది సమంత..
ఇక శర్వానంద్ విషయానికి వచ్చేసరికి గత ఏడాది రణరంగం సినిమాతో నిరాశపరిచిన శర్వానంద్ ఈ సినిమాపైన ఆశలు పెట్టుకున్నాడు. ఈ సినిమానే కాకుండా ఈ సంవత్సరం కీరవాణి, శ్రీకారం అనే సినిమాలు రిలీజ్ చేసే పనిలో ఉన్నాడు శర్వానంద్.
About
HMTV team aims to keep you abreast with whatever is making headlines across the world including politics, business, sports, lifestyle and entertainment.
Our Links
Subscribe
Get the best positive stories straight into your inbox!
SubscribeWe're social, connect with us:
© Copyrights 2024. All rights reserved.
Powered By Hocalwire