సమంత కొత్త 'కర్తవ్యం'?

సమంత ఇపుడు తెలుగు సినిమా ఇండస్ట్రీ లో ఈ పేరే మారుమోగుతోంది. వరుస విజయాలు.. అదీ హీరోయిన్ ప్రాధాన్యతా సినిమాలు. యు టర్న్, సూపర్‌ డీలక్స్, మజిలీ..తాజాగా 'ఓ బేబీ' ఇవి కాకుండా మహానటి, రంగస్థలం.. వైవిధ్యమైన పాత్రలు అంతకు మించి ప్రతి పాత్రలోనూ ఒదిగిపోతున్న సమంత. ఇక ఇప్పుడు ఓ బేబీ సినిమాతో మరింత ఎత్తుకు ఎదిగిపోయింది. దీంతో హీరోయిన్ ఓరియంటెడ్ సినిమాలకి సమంత తప్ప ఎవరూ లేరనే పరిస్థితి వచ్చేసింది. ఇపుడు చాలా మంది దర్శక-నిర్మాతలు ఆమెను హీరోయిన్ గా పెట్టె సినిమాలు తీయడానికి ప్రయత్నాలు మొదలు పెట్టేశారు. అందులో ప్రముఖంగా వినిపిస్తున్నది తమిళ ఆరమ్ - తెలుగులో కర్తవ్యం దర్శకుడు గోపీ నాయర్. ఈయన సమంత తో సినిమా కోసం రెడీ అయ్యారని వార్తలు గట్టిగా వినిపిస్తున్నాయి. ఈ సినిమా కొత్త కథా? లేకపోతే కర్తవ్యం సినిమాకి సీక్వేలా అనేది ఇంకా తేలలేదు. అన్నట్టు కర్తవ్యం సినిమా హీరోయిన్ నయనతార. మరి సీక్వెల్ కోసం సమంత కోసం ప్రయత్నిస్తున్నారన్న వార్త కొంత ఆశ్చర్యాన్ని కలిగిస్తోంది.