ఆ స్టార్ హీరో అప్పడాలు అమ్ముకుంటున్నాడు!

స్టార్ హీరోలు డీ గ్లామర్ క్యారెక్టర్లు చేయడం చాలా తక్కువ. బాలీవుడ్ లో అయితే అసలు చేయరనే చెప్పొచ్చు. సినిమాలో ఎక్కడైనా ఓ సారి అటువంటి మేకప్ లో కనిపించాల్సి వస్తే ఓకే అంటారు కానీ, మొత్తం డీ గ్లామర్ గా కనిపించాలంటే వెనకడుగు వేస్తారు. అయితే, ఇపుడిపుడే ఆ పరిస్థితులు మారుతున్నాయి. రియ‌లిస్టిక్ పాత్రల్లో కూడా క‌నిపించేందుకు ఇటీవ‌లి కాలంలో స్టార్ హీరోలు కూడా సిద్ధప‌డుతున్నారు. డీ గ్లామ‌ర్ క్యారెక్టర్ లో కష్టప‌డి న‌టించి పాత్రకు జీవం పోస్తున్నారు.

బాలీవుడ్ స్టార్ హీరో హృతిక్ రోషన్ ఇటీవల అటువంటి ఓ సినిమా చేస్తున్నాడు. గణిత శాస్త్రవేత్త ఆనంద్ జీవిత క‌థ ఆధారంగా వికాస్‌ భల్‌ దర్శకత్వంలో తెర‌కెక్కుతున్న `సూప‌ర్ 30` సినిమాలో హృతిక్ న‌టిస్తున్నాడు. ఎక్కడో మారుమూల ఊళ్లో పుట్టి, ఎన్నో క‌ష్టాలు ప‌డి గ‌ణిత శాస్త్రవేత్తగా ఎద‌గ‌డం, ఐఐటీలో విద్యార్థులకు శిక్షణ ఇవ్వడం, జాతీయ స్థాయిలో గుర్తింపు సాధించడం వంటి అంశాల ఆధారంగా ఈ చిత్రాన్ని తెరకెక్కించారు. ఆయ‌న జీవితంలో ఎంతో క‌ష్టం ఉంద‌ని తెలియ‌జేస్తూ తాజాగా హృతిక్ ఓ ట్వీట్ చేశాడు. `ఆనంద్‌ జీవిత ప్రయాణంలో అప్పడాలు అమ్ముకునే ఘట్టం చాలా కీల‌కం. ఆ సమయంలో ఆయన పడిన భావోద్వేగమే.. తరువాత ఆయ‌న సాధించిన విజయాలకు కారణమైంద` ని హృతిక్‌ ట్వీట్‌ చేశాడు.

"The papad selling phase of Anand Kumar's journey is an important one as it was cathartic and became the genesis of all that he did later on in his life." #Super30 #12thJULY pic.twitter.com/I7FCbXyphG

— Hrithik Roshan (@iHrithik) June 27, 2019