ఎన్టీఆర్ రుణం తీర్చుకుంటా...హరీష్!

మంచి మాస్ ఎలిమెంట్స్ ని కలగలిపి ప్రేక్షకులను ఇంప్రెస్స్ చేయడంలో హరీష్ శంకర్ ఆరితేరిన దర్శకుడు..ఇప్పుడు ఆయన దర్శకత్వంలో వరుణ్ తేజ్ హీరోగా పూజ హెగ్దే హీరోయిన్ గా వాల్మీకి అనే సినిమా తెరకెక్కింది. ఈ సినిమాని ఈ నెల 20 న ప్రేక్షకుల ముందుకు రానుంది. ఇప్పటికే చిత్ర యూనిట్ సినిమా ప్రమోషన్ లో బిజీ బిజీగా గడిపేస్తుంది. అందులో భాగంగానే దర్శకుడు ఓ ప్రముఖ ఛానల్ కి ఇంటర్వ్యూ ఇస్తూ జూనియర్ ఎన్టీఆర్ గురించి సంభోదించాడు...

గతంలో వీరిద్దరి కాంబినేషన్లో రామయ్య వస్తావయ్యా అనే సినిమా తెరకెక్కింది. ఆ సినిమా ఆశించిన ఫలితాన్ని ఇవ్వలేదు. దీనిపై హరీష్ మాట్లాడుతూ నాకు నచ్చే యంగ్ హీరోస్ లో ఎన్టీఆర్ ఒకరు. గబ్బర్ సింగ్ హిట్టు తర్వాత నాకు ఆయన మంచి ఆఫర్ ఇచ్చాడు కానీ దానిని నేను నిలబెట్టుకోలేకపోయాను. అప్పటి నుండి ఆ బాధ అలాగే ఉండిపోయింది. ఆయనతో మరో హిట్టు కొట్టి ఆయన రుణం తీర్చుకుంటానని ఆ అవకాశం కోసం ఎదురుచూస్తున్నట్లు హరీష్ వెల్లడించాడు...