అమితాబచ్చన్‌కు దాదా సాహెబ్ ఫాల్కే అవార్డు

అమితాబచ్చన్‌కు దాదా సాహెబ్ ఫాల్కే అవార్డు
x
Highlights

నాలుగు దశాబ్ధాల పాటు సినీ ప్రేక్షకులను అలరిస్తున్న బిగ్‌ బి అమితాబచ్చన్‌కు దాదా సాహెబ్ ఫాల్కే అవార్డు లభించింది. కేంద్ర సమాచార ప్రసార శాఖా మంత్రి...

నాలుగు దశాబ్ధాల పాటు సినీ ప్రేక్షకులను అలరిస్తున్న బిగ్‌ బి అమితాబచ్చన్‌కు దాదా సాహెబ్ ఫాల్కే అవార్డు లభించింది. కేంద్ర సమాచార ప్రసార శాఖా మంత్రి ప్రకాశ్‌ జవ్‌దేకర్‌ ఈ విషయాన్ని వెల్లడించారు. అమితాబచ్చన్‌కు శుభాకాంక్షలు తెలిపారు. రెండు తరాల ప్రేక్షకులను అలరించిన అమితాబ్‌ను దాదా సాహెబ్‌ అవార్డుకు ఏకగ్రీవంగా ఎంపిక చేశామని ప్రకాశ్‌ జవ్‌దేకర్‌ తెలిపారు. యావత్ భారత్ దేశంతో పాటు ప్రపంచ వ్యాప్తంగా అమితాబ్‌ను అభిమానించే వారికందరికీ ఎంతో సంతోషకర విషయమని మంత్రి ప్రకాశ్‌ జవ్‌దేకర్‌ ట్వీట్‌ చేశారు.

తాను పోషించిన పాత్రలతో యాంగ్రీ యంగ్‌ మాన్‌గా ప్రసిద్ధిగాంచిన అమితాబ్‌ అనేక విలక్షణ పాత్రలను పోషించారు. 1970లో విడుదలైన జంజీర్‌, దీవార్‌ సినిమాలతో ప్రఖ్యాతి గాంచిన అమితాబ్‌ వెనుదిరిగి చూడలేదు. 1970, 1980లలో అమితాబ్‌ తన ఆధిపత్యాన్ని కొనసాగించారు. ఉత్తమ నటుడుగా నాలుగు జాతీయ అవార్డులు, 15 ఫిల్మ్‌ఫేర్ అవార్డులు గెలుపొందారు.

నటుడిగానే కాకుండా నేపథ్య గాయకుడిగా, నిర్మాతగా, టెలివిజన్‌ యాంకర్‌గా అమితాబ్‌ తన ప్రతిభను చాటుకున్నారు. 1984లో భారత ప్రభుత్వం అమితాబ్‌ను పద్మశ్రీతోనూ, 2001లో పద్మ భూషన్‌తోను, 2015లో పద్మ విభూషన్‌తోనూ గౌరవించింది.



Show Full Article
Print Article
More On
Next Story
More Stories