చిరు 'లూసీఫర్' లో బాలీవుడ్ కండల వీరుడు?

సైరా చిత్రం అనంతరం మెగాస్టార్ చిరంజీవి కొరటాల శివ దర్శకత్వంలో 'ఆచార్య' అనే చిత్రం చేస్తున్న విషయం తెలిసిందే. ఇది చిరంజీవికి 152వ చిత్రం కావడం విశేషం.. ఈ సినిమాని మ్యాట్నీ ఎంటర్టైన్మెంట్, కొణిదెల ప్రొడక్షన్ కలిసి సంయుక్తంగా నిర్మిస్తున్నాయి. కాజల్ కథానాయకగా నటిస్తోంది. ప్రస్తుతం కరోనా వైరస్ ప్రభావం వలన సినిమా వాయిదా పడింది.

అయితే ఈ లాక్‌డౌన్ సమయంలో ఆచార్య తరవాత చేయబోయే చిత్రాలకి సంబంధించిన కథలను వింటున్నట్టుగా చిరంజీవి తన తాజా ఇంటర్వ్యూలో పేర్కొన్న సంగతి తెలిసిందే.. . ఈ చిత్రం తర్వాత 'లూసీఫర్' రీమేక్ లో నటిస్తున్నట్టుగా చిరంజీవి వెల్లడించారు. ఈ సినిమాకి 'సాహో' ఫేం సుజిత్ దర్శకత్వం వహిస్తున్నట్టుగా చిరు స్పష్టం చేశారు. అయితే ఈ సినిమాలో బాలీవుడ్ కండలవీరుడు సల్మాన్ ఖాన్ ఓ కీలకపాత్రలో కనిపించనున్నట్లు టాలీవుడ్ సర్కిల్లో ఓ న్యూస్ చక్కర్లు కొడుతుంది.

రాజకీయాల అనంతరం చిరంజీవి మళ్ళీ సినిమాల్లోకి రీఎంట్రీ ఇచ్చిన సమయంలో చిరంజీవి రీ ఎంట్రీ చిత్రంలో వెంకటేష్, సల్మాన్ ఖాన్ గెస్ట్ రోల్ చేయాలని అనుకున్నారట. కానీ ఈ విషయాన్ని సినిమా రిలీజ్ అయిపోయాక చిరుకి తెలిసిందట.. ఈ నేపధ్యంలో తన తదుపరి చిత్రంలో సల్మాన్‌ని నటింపజేయాలని చిరంజీవి కూడా కోరారని తెలుస్తోంది. ఒరిజినల్ 'లూసీఫర్' సినిమాలో చిత్ర దర్శకుడు పృథ్వీరాజ్ ఓ కీలకపాత్రలో నటించారు. అయితే ఈ పాత్రలో సల్మాన్ ని నటించాపజేయాలని చిరంజీవి భావిస్తున్నరట.. కానీ దీనిపైన అధికార ప్రకటన వెలువడాల్సి ఉంది.