'అల వైకుంఠపురములో..' మరో రికార్డు!

స్టైలిష్ స్టార్ అల్లు అర్జున్, మాటల మాంత్రికుడు త్రివిక్రమ్ కాంబినేషన్లో వచ్చిన చిత్రం 'అల వైకుంఠపురములో'.. ఈ ఏడాది సంక్రాంతి కానుకగా జనవరి 12న రిలీజ్ అయిన ఈ సినిమా బాక్స్ ఆఫీస్ వద్ద బ్లాక్ బస్టర్ విజయాన్ని సొంతం చేసుకుంది. తమన్ మ్యూజిక్ డైరెక్షన్ లోని పాటలు సినిమాకే హైలెట్ గా నిలిచాయి. ఈ సినిమా విడుదలకు ముందే ఈ సినిమాలోని పాటలు పెద్ద సెన్సేషన్ క్రియేట్ చేసాయనే చెప్పాలి.

ముఖ్యంగా సామజవరగమన, బుట్ట బొమ్మ,రాములో రాములా వంటి సాంగ్స్ పెద్ద హిట్టైయ్యాయి. థియేటర్లలో ప్రేక్షకుల చేత స్టెప్పులు కూడా వేయించాయి. ఈ పాటలు చాలా రికార్డులను కొల్లగొట్టాయి. తాజాగా మరో రికార్డును తన ఖాతాలో వేసుకుంది. ఈ మ్యూజిక్ ఆల్బమ్‌కి యూట్యూబ్‌లో మొత్తం బిలియన్ (వంద కోట్లు) వ్యూస్ వచ్చాయి. తెలుగు సినిమా చరిత్రలో ఒక సినిమా ఆల్బమ్‌కి ఈ స్థాయిలో ఆదరణ రావడం ఇదే మొదటిసారి కావడం విశేషం..ఇక మా ఆల్బమ్‌ను ఇంత పెద్ద సక్సెస్ చేసినందుకు ధన్యవాదాలు` అంటూ చిత్ర నిర్మాణ సంస్థల్లో ఒకటైనా గీతా ఆర్ట్స్ సంస్థ ట్వీట్ చేసింది.

ఇక ఇది ఇలా ఉంటే అల్లు అర్జున్ ప్రస్తుతం సుకుమార్ దర్శకత్వంలో పుష్ప అనే సినిమాని చేస్తున్నాడు. ఈ సినిమాకి సంబంధించిన టైటిల్ కం ఫస్ట్ లుక్ ని ఇప్పటికే విడుదల చేసింది చిత్రబృందం.. మైత్రి మూవీ మేకర్స్ ఈ సినిమాని నిర్మిస్తోంది. ఇందులో బన్నీ సరసన రష్మిక మందన హీరోయిన్ గా నటిస్తోంది. దేవిశ్రీప్రసాద్ సంగీతం అందిస్తున్నాడు. ఆర్య, అర్య2, సినిమాల తర్వాత అల్లు అర్జున్, సుకుమార్ కాంబినేషన్ లో సినిమా వస్తుండడంతో సినిమా పైన భారీ అంచనాలు ఉన్నాయి.