యశ్‌ నటనకు కేటీఆర్‌‌ ఫిదా!

టీఆర్ఎస్ వర్కింగ్ ప్రెసిడెంట్ కేటీఆర్ సినిమా ప్రియుడనే సంగ‌తి తెలిసిందే. ఆయన ఖాళీ సమయాల్లో సినిమాలు చూస్తూ, వాటి గురించి ట్విట‌ర్ ద్వారా స్పందిస్తుంటారు. ఇటీవ‌ల ఎన్నిక‌ల‌తో బిజీ అయిపోయి సినిమాలు చూడ‌లేక‌పోయిన‌ కేటీఆర్ తాజాగా ఓ సినిమా గురించి ట్వీట్ చేశారు. ద‌క్షిణాదిన `బాహుబ‌లి` త‌ర్వాత ఆ స్థాయి భారీ బ‌డ్జెట్‌తో నిర్మిత‌మై ఘ‌న విజ‌యం సాధించిన చిత్రం `కేజీఎఫ్‌`. క‌న్న‌డ రాక్ స్టార్ య‌ష్ న‌టించిన ఈ సినిమా ద‌క్షిణాది భాష‌లన్నింటిలోనూ విడుద‌లై విజ‌యం సాధించింది. తాజాగా ఆ సినిమా చూసిన కేటీఆర్ ట్విట‌ర్ ద్వారా చిత్ర‌బృందాన్ని ప్రశంసించారు. `కొద్దిగా ఆల‌స్యంగానే అయినా ఎట్ట‌కేల‌కు `కేజీఎఫ్‌` చూశాను. సినిమా అద్భుతంగా ఉంది. సాంకేతికంగా, క‌థాప‌రంగా చాలా బాగుంది. ప‌ట్టుస‌డ‌ల‌ని స్క్రీన్‌ప్లేతో డైరెక్ట‌ర్ ప్ర‌శాంత్ నీల్ సినిమాను అద్భుతంగా రూపొందించారు. బ్యాగ్రౌండ్ స్కోర్ చాలా బాగుంది. స్క్రీన్‌ఫై రాక్‌స్టార్ య‌ష్ న‌ట‌న అదిరిపోయింద‌`ని కేటీఆర్ ట్వీట్ చేశారు.

May be I am little late but finally watched #KGF What a movie!! Brilliant technically, intense & cool; all at the same time. Superb direction by #PrashanthNeel gripping screenplay, terrific BGM & what a rock star like screen presence! @TheNameIsYash 😎

— KTR (@KTRTRS) February 24, 2019