ఎస్పీ-బీఎస్పీ పొత్తును గౌరవిస్తా: రాహుల్‌

లోక్‌సభ ఎన్నికలకు ఉత్తరప్రదేశ్‌లో కూటమి కట్టా లన్న అఖిలేశ్‌, మాయావతిల రాజకీయ నిర్ణయాన్ని తాను గౌరవిస్తానని కాంగ్రెస్‌ అధ్యక్షుడు రాహుల్‌ గాంధీ చెప్పారు. లోక్‌సభ ఎన్నికల్లో కాంగ్రెస్‌ పార్టీ పూర్తి సామర్థ్యంతో పోరాడుతుందని దుబాయ్‌లో ఓ ప్రశ్నకు సమాధానంగా చెప్పారు. కాగా లోక్‌సభ ఎన్నికల్లో కాంగ్రెస్‌ పార్టీ ఒంటరి పోరుకు సిద్ధమని ఆ పార్టీ సీనియర్‌ నేత చిదంబరం చెప్పారు. యూపీలో కాంగ్రెస్‌ను తక్కువ అంచనా వేయొద్దని, ఒంటరిగానే పోటీ చేసే శక్తి తమకుందని తెలిపారు. బీజేపీని ఒంటరిగా ఎదుర్కొనే శక్తి, సామర్థ్యాలు కాంగ్రెస్ కు లేవని ఆ పార్టీ సీనియర్‌ నేత ఏకే ఆంటోనీ సంచలన వ్యాఖ్యలు చేశారు. కేరళ పీసీసీ సర్వసభ్య సమావేశంలో ఆయన ఈ వ్యాఖ్యలు చేశారు. మరోవైపు రాబోయే ఎన్నికలు నియంతృత్వానికి, ప్రజాస్వామ్యానికి మధ్య పోరు అని కాంగ్రెస్‌ నేత మనీశ్‌ తివారీ అభివర్ణించారు.