ఊర మాస్ : 'ఇస్మార్ట్ శంకర్' టీజర్..

ఇద్దరికీ మాస్ పల్స్ తెలిసిన వాళ్ళే ఇంకేముంది సినిమా ఊరమాస్ అని కాంబినేషన్ సెట్ అయినప్పుడే అనుకున్నారంతా . అనుకున్నట్టుగానే టిజర్ కూడా చెప్పెసేంది . ఎన‌ర్జిటిక్ స్టార్ రామ్‌, డాషింగ్ డైరెక్టర్ పూరి జ‌గ‌న్నాథ్ కాంబినేష‌న్‌లో రూపొందుతోన్న మాస్ మసాలా మూవీ 'ఇస్మార్ట్ శంక‌ర్‌'. 'డ‌బుల్ దిమాక్ హైద‌రాబాది' అనేది ట్యాగ్ లైన్‌. నిధి అగర్వాల్, నభా నటేష్ హీరోయిన్లు. సత్య దేవ్ ముఖ్య పాత్ర పోషించారు. పూరీ కనెక్ట్స్, పూరి జగన్నాథ్ టూరింగ్ టాకీస్ బ్యానర్లపై పూరి జగన్నాథ్, ఛార్మి ఈ చిత్రాన్ని నిర్మిస్తున్నారు. మణిశర్మ సంగీతం సమకూరుస్తున్నారు. బుధవారం (మే 15న) హీరో రామ్ పుట్టినరోజు సందర్భంగా 'ఇస్మార్ట్ శంకర్' టీజర్‌ను విడుదల చేశారు. ఈ టీజర్‌లో కొత్త రామ్ కనిపిస్తున్నారు.

పూరి జగన్నాథ్ స్టైల్లో హై ఓల్టేజ్‌లో ఉంది టీజర్‌. హైదరాబాద్ కుర్రాడు శంకర్ పాత్రలో నటిస్తుండటంతో డైలాగులు తెలంగాణ యాసలో చెప్పించారు. ఉర్దూ, తెలుగు మిక్స్ చేసి కొట్టారు. 'నియ్యమ్మ ఒరేయ్..' అంటూ టీజర్‌ను ఊర మాస్‌‌గా మొదలుపెట్టారు. 'పతాయే మే కౌన్ హు.. శంకర్.. ఉస్తాద్, ఇస్మార్ట్ శంకర్' అంటూ రామ్ చెప్పే డైలాగులు కొత్తగా ఉన్నాయి. సాధారణంగా రామ్ నటనలో కాస్త ఎనర్జీ ఎక్కువగా ఉంటుంది. ఇందులో ఆ ఎనర్జీ రెండింతలైనట్టు కనిపిస్తోంది. ఇంత ఎనర్జీని ప్రేక్షకులు థియేటర్‌లో తట్టుకుంటారో లేదో చూడాలి. ఇక చివరలో 'నాతో కిరికిరి అంటే పోచమ్మ గుడి ముంగట పొట్టేలుని గట్టేసినట్టే' అంటూ రామ్ చెప్పే డైలాగ్ పవర్‌ఫుల్‌గా ఉంది ..