పీఎం మోదీ బయోపిక్ రిలీజ్ డేట్ ఇదే...!

ప్రధానమంత్రి నరేంద్రమోదీ జీవితం ఆధారంగా తెరకెక్కించిన బాలీవుడ్ చిత్రం 'పీఎం నరేంద్రమోదీ'బయోపిక్ తెరకెక్కిన సంగతి తెలిసిందే. దేశ్ భక్తి యే మేరా శక్తి అనేది క్యాప్షన్. ఈ సినిమాలో బాలీవుడ్ నటుడు వివేక్ ఓబరాయ్ నరేంద్రమోడీ పాత్రలో నటించారు. ఈ సినిమాను ఈనెల 11న విడుదల కావాల్సి ఉంది. అయితే సరిగ్గా విడుదలకు ఒక్కరోజు ముందు ఎన్నికల సంఘం ఈ సినిమా విడుదలకు బ్రేక్ వేసింది. ఎన్నికల నేపథ్యంలో ఈ సినిమా ఓటర్ల మనోభావాలను తీవ్రంగా ప్రభావితం చేసే అవకాశాలున్నాయని ఎన్నికలు ముగిసే వరకు ఈ సినిమా విడుదలను ఆపు చేయాలని కేంద్ర ఎన్నికల సంఘానికి ప్రతిపక్ష పార్టీల అభ్యంతరాల మేరకు ఈ సినిమా విడుదలపై స్టే విధించింది. ఇక మే 19న సార్వత్రిక ఎన్నికల హడావుడి ముగియనుంది. ఇక ఇటు మే 23న ఎన్నికల ఫలితాలు వస్తాయి. ఇక ఆ తర్వాత ఎలాంటి కోడ్ ఉండదు కాబట్టి ఈ సినిమాను మే 24 న విడుదల చేయనున్నట్టు ఈ చిత్ర నిర్మాత సందీప్ సింగ్ ట్విట్టర్‌లో ప్రకటించారు.