విజయమే లక్ష్యంగా కేసీఆర్ వ్యూహాలు

జిల్లా, మండల పరిషత్ ఎన్నికలపై టీఆర్ఎస్‌ దృష్టి పెట్టింది. విజయమే లక్ష్యంగా టీఆర్ఎస్‌ అధినేత కేసీఆర్ వ్యూహాలు సిద్ధం చేస్తున్నారు. కేసీఆర్‌ అధ్యక్షతన ఈ మధ్యాహ్నం తెలంగాణ భవన్‌లో విస్తృతస్థాయి కార్యవర్గ సమావేశం ఏర్పాటు చేశారు. ఈ సమావేశంలో జిల్లా, మండల పరిషత్ ఎన్నికల్లో అనుసరించే వ్యూహం, ప్రణాళికపై చర్చించనున్నారు.

ఈ సమావేశానికి పార్టీ రాష్ట్ర కార్యవర్గ సభ్యులతో పాటు మంత్రులు, ఎమ్మెల్యేలు, ఎమ్మెల్సీలు, ఎంపీలుగా పోటీచేసిన అభ్యర్థులు, రాజ్యసభ సభ్యులు, మాజీ మంత్రులు, మాజీ ఎంపీలు, మాజీ ఎమ్మెల్యేలు, వివిధ కార్పొరేషన్ల చైర్మన్లు, ఇతర ముఖ్య నాయకులను ఆహ్వానించారు. ఈ సమావేశానికి దాదాపు 400 మంది పార్టీ నేతలు హాజరయ్యే అవకాశం ఉంది. సమావేశంలో జిల్లా, మండల పరిషత్ ఎన్నికల్లో అనుసరించాల్సిన వ్యూహంపై విస్తృతంగా చర్చిస్తారు. రాష్ట్రంలో 535 జెడ్పీటీసీ స్థానాలకు, 5,857 ఎంపీటీసీ స్థానాలకు ఎన్నికలు జరుగనున్నాయి. ఈ ఎన్నికలు పార్టీ ప్రాతిపదికన పార్టీల గుర్తులపై జరుగనున్నాయి.