జనసేనకు షాక్‌.. మూకుమ్మడి రాజీనామాలు

ఏపీలో ఎన్నికలు దగ్గరపడుతుండంతో పార్టీ నేతలు ప్రచారంలో ఫుల్ బీజీ అయిపొయారు. ఈ నేపథ్యంలో జనసేన అధినేత పవన్ కళ్యాణ్ కి భారీ షాక్ తగిలింది. జనసేన పార్టీలో ఒక్కసారిగా అస్మతి సెగలు భగ్గుమన్నాయి. జనసేన పార్టీలో కేవలం డబ్బులున్న వారికే మొదటి ప్రధాన్యం ఇస్తున్నారంటూ ఆ పార్టీ కార్యకర్తలు గగ్గోలు పెడుతున్నారు. కడప జిల్లా నాయకుడు మాలే శివ అధ్వర్యంలో బుధవారం దాదాపు 70 మంది సీనియర్‌ కార్యకర్తలు పార్టీకి రాజీనామా చేశారు. ఈ సందర్భంగా మాలే శివ మీడియాతో మాట్లాడుతూ జనసేన పార్టీలో డబ్బులున్నవారికే జనసేన అధినేత పవన్ కళ్యాణ్ టికెట్లు ఇస్తున్నరంటూ ఆగ్రహం వ్యక్తం చేశారు. కడప అసెంబ్లీ అభ్యర్థి సుంకర శ్రీనివాస్‌ తమను చులకనగా చూస్తాన్నారని ఆవేదన వ్యక్తం చేశారు. కాగా ఈ నేపథ్యంలో రేపు(గురువారం) ఎన్నికల ప్రచారంలో భాగంగా పవన్‌ కళ్యాణ్‌ పర్యటనలో పాల్గొనేది లేదని ఆయన స్పష్టం చేశారు. మరీ దినిపై జనసేన అధినేత పవన్ కళ్యాణ్ ఏ విధంగా స్పందిస్తారో చూడాలి మరి!