ఆంధ్రప్రదేశ్లో ఫామ్ -7 రేపుతున్న కల్లోలం అంతా ఇంతా కాదు. ఓట్ల తొలగింపు కోసం వాడుతున్న ఈ ఆన్లైన్ అప్లికేషన్లు ఏపీలో దాదాపు 9 లక్షలు నమోదు కాగా వీటిలో...
ఆంధ్రప్రదేశ్లో ఫామ్ -7 రేపుతున్న కల్లోలం అంతా ఇంతా కాదు. ఓట్ల తొలగింపు కోసం వాడుతున్న ఈ ఆన్లైన్ అప్లికేషన్లు ఏపీలో దాదాపు 9 లక్షలు నమోదు కాగా వీటిలో అత్యధికం బోగస్వేనని తేల్చారు. తాజాగా వైసీపీ అధినేత జగన్ పేరుతో ఫామ్ -7 దాఖలవ్వడం కలకలం సృష్టిస్తోంది.
ఏకంగా జగన్ పేరుతో ఫామ్ 7 దరఖాస్తు రావడం సంచలనంగా మారింది. ఓటు తొలగించాలంటూ జగన్ పేరుతో దరఖాస్తు రావడంతో అవాక్కవ్వడం అందరి వంతైంది. జగన్ పేరుతో ఫామ్ 7 రావడంతో అప్రమత్తమైన పులివెందుల రెవెన్యూ అధికారులు విచారణ జరిపారు. జగన్ పేరుతో దాఖలైన ఫామ్ 7 గురించి ఆయన బంధువులను విచారించారు. జగన్ ఫామ్ 7 దాఖలు చేయలేదని ఆయన పేరుతో మరెవరో అప్లై చేశారని తహసీల్దార్ గుర్తించారు.
అంతేకాదు..జగన్ పేరుతో దాఖలైన ఫామ్ 7 గురించి పులివెందుల అధికారులు స్వయంగా ఆయన్ని కూడా సంప్రదించారు. వైఎస్ జగన్కు తెలియకుండానే దరఖాస్తు వచ్చినట్లు నిర్థారించకున్నారు. ఈ ఘటనపై స్థానిక తహసీల్దార్ పులివెందుల పోలీస్స్టేషన్లో ఫిర్యాదు చేశారు.
పులివెందులలో తన చిన్నాన్న వైఎస్ వివేకానంద రెడ్డి ఓటు తొలగించడానికి టీడీపీ నేతలు ఫామ్ 7 దరఖాస్తు చేశారని ఇటీవల జగన్ ఆరోపించారు. ఇప్పడు ఏకంగా ఆయన ఓటు తొలగించాలంటూ ఫామ్ 7 దాఖలయ్యిందన్న విషయం తెలుసుకున్న వైఎస్సార్సీపీ శ్రేణులు ఆశ్చర్యపోతున్నాయి.
About
HMTV team aims to keep you abreast with whatever is making headlines across the world including politics, business, sports, lifestyle and entertainment.
Our Links
Subscribe
Get the best positive stories straight into your inbox!
SubscribeWe're social, connect with us:
© Copyrights 2024. All rights reserved.
Powered By Hocalwire