80 సీట్లలోనూ ఒంటరిపోరు: కాంగ్రెస్

దేశ రాజకీయాల్లో కీలకపాత్ర పోషించే ఉత్తర్‌ప్రదేశ్‌లో కాంగ్రెస్‌పార్టీకి ఊహించని షాక్ తగిలింది. ఎస్పీ, బీఎస్పీలు కలిసి కొత్త కూటమి పెట్టుకోవడంతో ఆ రాష్ట్రంలో హస్తం పార్టీ ఒంటరైపోయింది. కాగా ఈ రెండు పార్టీలు జతకట్టడంతో కాంగ్రెస్ పార్టీ వూహాత్మకంగా వ్యవహరిస్తోంది. ఎన్నికల సమీపిస్తున్న వేళ పూర్తి శక్తిసామర్ధ్యాలతో యూపీలో ఎన్నికల బరిలో పోరాడుతుంటూ కాంగ్రెస్ పార్టీ సంకేతాలు ఇస్తున్నాయి. వచ్చే లోక్ సభ ఎన్నికల్లో 80 స్థానాల్లోనూ కాంగ్రెస్ పార్టీ పోటీ చేస్తుందని ఆ పార్టీ సీనియర్ నేత గులాం నబీ ఆజాద్ అన్నారు. ఆదివారం మీడియా సమావేశం నిర్వహించారు. ఈ సందర్భంగా ఆజాద్ మాట్లడుతూ వచ్చే ఎన్నికల్లో పాల్గోనేందుకు కాంగ్రెస్ పార్టీ పోటీచేసేందుకు పూర్తి సన్నద్ధతతో ఉందని స్పష్టం చేశారు. ఒంటరిగానే ఎన్నికల బరిలో దిగి గతంలో కంటే రెట్టింపు సీట్లే కాంగ్రెస్ సాధిస్తుందని గులామ్ నబీ ఆజాద్ ధీమా వ్యక్తం చేసారు.