భారత్‌-అమెరికా ద్వైపాక్షిక సంబంధాలు మెరుగుపరుస్తాం: మోడీ

ఫ్రాన్స్ లో జరిగిన జీ7 సదస్సుకి ప్రధాని మోడీ ప్రత్యేక అతిథిగా హాజరయ్యారు. జీ7 దేశాల్లోని కూటమిలో భారత్‌ లేకపోయినప్పటికీ నరేంద్ర మోడీని ఫాన్స్‌ అధినేత ప్రత్యేకంగా ఆహ్వానించారు. ఈ సందర్భంగా అమెరికా అధ్యక్షుడు డొనాల్డ్‌ ట్రంప్‌తో భేటీ అయ్యారు. ఫ్రాన్స్‌లోని బిరియాజ్‌లో జరుగుతున్న జీ7 సదస్సులో భారత ప్రధాని నరేంద్ర మోడీ పాల్గొన్నారు. ఈ సందర్భంగా అమెరికా అధ్యక్షుడు డొనాల్డ్‌ ట్రంప్‌తో భేటీ అయ్యారు. భారత్‌- అమెరికా ద్వైపాక్షిక వాణిజ్యం మరింతగా మెరుగుపరుస్తామని మోడీ తెలిపారు.

ప్రపంచ సంక్షేమానికి భారత్‌-అమెరికా కలిసి పనిచేస్తాయని మోడీ చెప్పారు. వాణిజ్యం, రక్షణ సహకారంపై సదస్సులో ఫలవంతమైన చర్చలు జరిగాయన్నారు. భారత్‌-పాక్‌ ఎన్నో ద్వైపాక్షిక అంశాలపై పోరాటం చేయాల్సి ఉందని, ఉగ్రవాదం, పేదరికం లాంటి ఎన్నో అంశాలపై భారత్‌-పాక్‌ యుద్ధం చేయాల్సి ఉందన్నారు. భారత్‌-పాక్‌ రెండూ అమెరికాకు మిత్ర దేశాలని ట్రంప్‌ తెలిపారు. కశ్మీర్‌ విషయం భారత్‌-పాక్‌ ద్వైపాక్షిక అంశమని.. రెండు దేశాలు చర్చించుకుని సమస్యను పరిష్కరించుకుంటాయని ట్రంప్‌ ఆశాభావం వ్యక్తం చేశారు. ఇక అమెరికా అధ్యక్షుడు ట్రంప్‌తో భేటీ కావడం ఆనందంగా ఉందన్నారు భారత ప్రధాని నరేంద్ర మోడీ. G-7 సదస్సులో భాగంగా కొద్దిసేపు సరదాగా ముచ్చటించారు. ఇరువురు షేక్‌ హ్యాండ్‌ ఇచ్చుకుని నవ్వులు పువ్వులు పూయించారు. ఈ సందర్భంగా మోడీని మంగళవారం విందుకు ఆహ్వానించారు డొనాల్డ్‌ ట్రంప్‌.