'వినయ విధేయ రామ' ట్రైలర్ రేపే

రంగస్థలం సినిమాతో టాలీవుడ్ రికార్డులను బద్దలు కొట్టిన రామ్ చరణ్ ఇప్పుడు 'వినయ విధేయ రామ' అనే సినిమాతో మన ముందుకు రాబోతున్నాడు. బోయపాటి శ్రీను దర్శకత్వంలో తెరకెక్కనున్న ఈ సినిమా సంక్రాంతికి మన ముందుకు రాబోతుంది. కొన్ని వారాలు ముందే విడుదలైన ఈ సినిమా టీజర్ ఈ సినిమా లో బోయపాటి మార్క్ యాక్షన్ సీక్వెన్స్ లు ఉంటాయి అని హింట్ ఇచ్చింది. ఇక ఈ సినిమా ట్రైలర్ కోసం ప్రేక్షకులు ఆసక్తిగా ఎదురు చూస్తున్న మెగా ఫ్యాన్స్ కు ఒక శుభ వార్త. ఇక ఎదురుచూడాల్సిన అవసరం లేదు.

ఎందుకంటే ఈ చిత్ర ట్రైలర్ ను రేపు అనగా డిసెంబర్ 27 వ తారీఖు న గ్రాండ్ గా విడుదల చేస్తామని చిత్ర బృందం అధికారికంగా ప్రకటించింది. అలాగే ఈ సినిమా ఆడియో జ్యూక్ బాక్స్ కూడా రేపే విడుదల చేయనున్నారు. 'భరత్ అనే నేను' సినిమా తో పరిచయమైన కీయారా అద్వానీ ఈ సినిమాలో హీరోయిన్ గా నటించింది. డివివి ఎంటర్టైన్మెంట్స్ పతాకంపై డివివి దానయ్య ఈ సినిమాను నిర్మిస్తున్నారు. దేవిశ్రీ ప్రసాద్ ఈ సినిమాకు సంగీతం అందించారు. సంక్రాంతికి విడుదల కానున్న ఈ సినిమా రిలీజ్ డేట్ ఇంకా ప్రకటించాల్సి ఉంది. ప్రశాంత్, ఆర్యన్ రాజేష్, వివేక్ ఒబెరోయి ఈ సినిమాలో ముఖ్య పాత్రలు పోషించారు.