రాఖీ‌సావంత్‌కు పెళ్లి... వరుడెవరంటే?

వివాదాస్పద బాలీవుడ్ నటి రాఖీ సావంత్ పెళ్లికి సిద్ధమైంది. ఇండియా గాట్ టాలెంట్ యాక్టర్ దీపక్ కలాల్‌ను ఈ 40ఏళ్ల వివాదాల క్వీన్ మనువాడనుంది. డిసెంబర్ 31న సాయంత్రం 5.55గంటలకు వీరిద్దరి వివాహం లాస్‌ఏంజెల్స్‌లో జరగనుంది. దీనికి సంబంధించిన ఆహ్వానపత్రికను రాఖీ సోషల్ మీడియాలో షేర్ చేసింది. మరోవైపు దీపక్ కూడా ఈ పెళ్లి కార్డును షేర్ చేస్తూ ఇంత త్వరగా ఇదంతా జరుగుతుందనుకోలేదు అని కామెంట్ రాశారు. అంతేకాకుండా దీనిపై ఓ దినపత్రికకు ఇచ్చిన ఇంటర్వ్యూలో స్పష్టం చేసింది రాఖీ. అవును మేమిద్దరం పెళ్లి చేసుకోబోతున్నాం. ఇండస్ట్రీలోని చాలామంది వివాహబంధంతో ఒక్కటవుతున్నారు. నేను వివాహం చేసుకోవడానికి ఇది సరైన సమయం అంటూ పేర్కొంది. ఓ నేషనల్ టెలివిజన్‌ షోలో దీపక్ తనకు ప్రపోజ్ చేశాడని అప్పుడే ఆయనకు ఓకే చెప్పానని ఈ సందర్భంగా రాఖీ పేర్కొంది.