‘సాహో’ విడుదల తేదీ ఖరారు!

ప్రభాస్ అభిమానులు ఎప్పుడెప్పుడా అని ఉత్కంఠగా ఎదురుచూస్తున్న చిత్రం "సాహో" తాజాగా చిత్రబృందం కలిసి సాహో సినిమా విడుదల తేదీని ఫిక్స్ చేసింది. ఇక ఈ సినిమా వచ్చే ఏడాది స్వాతంత్ర్య దినోత్సవ పండుగ దినం రోజు ఆగస్టు 15న ప్రేక్షకుల ముందు కనువిందు చేయనున్నట్లు చిత్రబృందం ప్రకటించింది. దింతో ప్రభాస్ అభిమానులు పండగ చేసుకుంటున్నారు. బహుబలి-2 తరువాత చేస్తున్న చిత్రం కావడంతో అభిమానుల్లో భారీ అంచనలు క్రియేట్ అయ్యాయి. కాగా ఈ చిత్రంలో బాలీవుడ్ బామా శ్రద్ధా కపూర్‌ హీరోయిన్‌గా నటిస్తోంది. ఈ చిత్రానికి సుజిత్‌ దర్శకత్వం వహిస్తున్నారు. యూవీ క్రియేషన్స్‌ బ్యానర్‌పై సినిమాను భారీ బడ్జెట్‌తో నిర్మిస్తున్నారు. కాగా ఈ సినిమా కోసం డైరెక్టర్ రాధాకృష్ణ కోరిక మేరకు ప్రభాస్ 20 కేజీలు బరువు కూడా తగ్గతున్నట్టు సమాచారం.