అల్లు అర్జున్ నా పేరు సూర్య పోస్టర్ ఇంపాక్ట్

అల్లు అర్జున్ న‌టిస్తున్న తాజా చిత్రం 'నా పేరు సూర్య నా ఇల్లు ఇండియా'. ఇందులో ఆయ‌న ఆర్మీ ఆఫీస‌ర్‌గా క‌నిపించ‌నున్నారు. ర‌చ‌యిత వ‌క్కంతం వంశీ తొలిసారిగా ద‌ర్శ‌క‌త్వం వ‌హిస్తున్న ఈ చిత్రంలో అను ఇమ్మాన్యుయేల్ హీరోయిన్‌గా న‌టిస్తోంది. చిత్రీక‌ర‌ణ శ‌ర‌వేగంగా జ‌రుపుకుంటున్న ఈ సినిమా.. వేస‌వి సంద‌ర్భంగా మే 4న తెర‌పైకి రానుంది. ఇదిలా ఉంటే.. జ‌న‌వ‌రి 1న ఈ సినిమా ఫ‌స్ట్ ఇంపాక్ట్‌ను విడుద‌ల చేసిన చిత్ర బృందం..ఈ రోజు (గురువారం) పోస్ట‌ర్ ఇంపాక్ట్‌ను విడుద‌ల చేసింది. ఇప్ప‌టివ‌ర‌కు విడుద‌లైన స్టిల్స్‌కు భిన్నంగా ఉంది ఈ పోస్ట‌ర్ ఇంపాక్ట్‌. ఇప్ప‌టివ‌ర‌కు సీరియ‌స్ లుక్‌లోనే సిన్సియ‌ర్ ఆర్మీ అధికారిగా క‌నిపించిన బ‌న్ని.. ఇందులో అందుకు భిన్నంగా సిగార్‌తో క‌నిపించ‌డం గ‌మ‌నార్హం.