ప్రేమికుల్ని చావ‌బాదిన మ‌హిళ

బీహర్ సాత్న కోర్టులో ఓ మహిళ వీరంగం సృష్టించింది. న్యాయస్థానం ప్రాంగణంలో ప్రేమజంటను ప్రియురాలి అక్క దేహశుద్ధి చేసింది. బూతులు తిడుతూ ఇద్దరిని చితకబాదింది. చెప్పుతో ఎడాపెడా కొట్టింది.
ఓ ప్రేమ జంట సాత్న కోర్టులో పెళ్లి చేసుకునేందుకు వచ్చింది. విషయం తెలుసుకున్న ప్రియురాలి సోదరి ఆగ్రహంతో న్యాయస్థానానికి వచ్చింది. చెల్లెలు ప్రియుడి కాలర్ పట్టి లాగింది. అక్కడున్నవారికి లాఠీ ఇవ్వమని చెప్పింది. చెప్పుతో కొడుతుండగా...అడ్వకేట్లు అడ్డుకున్నారు.

ఆ తర్వాత కోర్టు ప్రాంగణంలో ఓ చోట ప్రేమజంట బిక్కుబిక్కుమంటూ నిలబడింది. అక్కడికి కూడా ప్రియురాలి అక్క దూసుకువచ్చింది. చెల్లెలి ప్రియుడిని కొట్టే ప్రయత్నం చేసింది. ఆ తర్వాత చెల్లెలికి బూతులు తిడుతూ చెంపలు వాయించింది. అడ్డుకోబోయిన లవర్ ను తిట్టిపోసింది. ప్రియురాలితో కోర్టులోకి పోతున్న ప్రియుడి తలపై గట్టిగా చేత్తో కొట్టింది. ఆ తర్వాత అతడిని కాలర్ పట్టి చెప్పుతో కొట్టింది. అడ్డుకోబోయిన చెల్లెలిని కూడా చెప్పుతో చితకబాదింది.