Top
logo

ఐ ల‌వ్యూ రాహుల్ గాంధీ : కరీనా

X
Highlights

బాలీవుడ్ స్టార్ కథానాయిక కరీనా కపూర్ ఖాన్‌‌కు కాంగ్రెస్ పార్టీ అధ్యక్షుడు రాహుల్ గాంధీ అంటే ఇష్టమట. అంతే...

బాలీవుడ్ స్టార్ కథానాయిక కరీనా కపూర్ ఖాన్‌‌కు కాంగ్రెస్ పార్టీ అధ్యక్షుడు రాహుల్ గాంధీ అంటే ఇష్టమట. అంతే కాదండోయ్.. అతని గురించి తెలుసుకోవాలని ఉందని, రాహుల్‌తో మాట్లాడడానికి కూడా తనకు అభ్యంతరం లేదని చెప్పింది. ముంబయిలో వారం రోజులుగా జరుగుతున్న లాక్మే ఫ్యాషన్‌ షోలో కరీనా పాల్గొన్నారు. ఈ సందర్భంగా 2002లో కరీనా ఇచ్చిన ఓ ఇంటర్వ్యూ ఒకటి సోషల్‌ మీడియాలో వైరల్‌ అవుతోంది. ఎందుకంటే.. ఆ ఇంటర్వ్యూలో తనకు రాహుల్‌ గాంధీ అంటే ఇష్టమంటూ చెప్పింది కరీనా.

అప్పటికి కరీనాకు ఇప్పుడున్నంత గుర్తింపు లేదు. ఆ సమయంలో ఓ ఇంటర్వ్యూలో ప్రేమించడం గురించి మాట్లాడుతూ..సరైన సమయం వచ్చినప్పుడు ప్రేమలో పడతాను. నాకు తారసపడే వ్యక్తి ఆలోచనా విధానం కూడా నాలాగే ఉండాలి. అలాంటి వ్యక్తినే ప్రేమిస్తాను’ అని చెప్పింది. అలాంటి వ్యక్తులు ఎవరైనా ఉన్నారా అని అడిగితే..ఈ విషయం చెప్పొచ్చో లేదో తెలీదు కానీ.. రాహుల్‌ గాంధీ అంటే ఇష్టం. అతని గురించి చాలా తెలుసుకోవాలని ఉంది. అతని ఫొటోలు పేపర్లలో చూస్తూ ఉంటాను. అతనితో మాట్లాడటానికి కూడా నాకు ఇబ్బంది లేదు. నాది సినిమా నేపథ్యం ఉన్న కుటుంబం. రాహుల్‌ది రాజకీయ నేపథ్యం ఉన్న కుటుంబం. మా ఇద్దరి విషయాలు ఆసక్తికరంగా ఉంటాయని నా అభిప్రాయం’ అని కరీనా వెల్లడించింది. అప్పుడెప్పుడో జరిగిన ఈ సంఘటనకు సంబంధించిన వీడియో ఇప్పుడు వైరల్‌గా మారింది. కరీనా ప్రస్తుతం ‘వీరే ది వెడ్డింద్’ అనే సినిమా ద్వారా ప్రేక్షకుల ముందుకు రాబోతోంది.

Next Story