కాళ్లకు మొక్కబోతే..నెట్టేశా.. నేనెవరినీ కొట్టలేదు

విశ్వనటుడు కమల్ హాసన్ ఓ అభిమాని పట్ల దురుసుగా ప్రవర్తించడం వివాదాస్పదమైంది. కమల్ ఇటీవల ఒక కార్యక్రమంలో పాల్గొనడానికి వెళ్లినప్పుడు ఆయనను చూసేందుకు జనం ఎగబడ్డారు. గుంపులో ఓ వ్యక్తి కమల్ పాదాలకు మొక్కేందుకు యత్నించాడు. ఇది నచ్చని కమల్ చాలా వేగంగా అతణ్ణి తోసేశారు. ఈ వీడియో ఇప్పుడు సోషల‌్ మీడియాలో వైరల్ గా మారింది. కమల్ ఓ అభిమానిని కొట్టాడంటూ ప్రచారం కూడా జరుగుతోంది. ఈ ఘటనపై వివరణ ఇచ్చుకున్న కమల్ తాను ఎవరినీ కొట్టలేదని కాళ్లకు మొక్కబోతే నెట్టేశానని చెప్పారు.