జబర్దస్త్ ఫ్యామిలీలో పవన్ చిచ్చు..

జనసేన అధినేత పవన్ కల్యాణ్ ఇప్పుడు అందరినోళ్లలోనూ నానుతున్నాడా? పవన్ కల్యాణ్ ఏ ఉద్దేశంతో జగన్ పై పరోక్షంగా వ్యాఖ్యలు చేశాడో కానీ పరోక్షంగా చాలా చిచ్చులకు కారణమయ్యాడు.. ముఖ్యంగా జబర్దస్త్ కుటుంబంలో ఆరని చిచ్చును రాజేశాడు.. ముఖ్యంగా జబర్దస్త్ జడ్జిలిద్దరూ ముఖా ముఖాలు చూసుకోడానికి ఇబ్బంది పడేలా ఈ మధ్య పరిణామాలు మారిపోయాయి. ఓ టివి చర్చలో బండ్ల గణేష్, వర్సెస్ రోజా మధ్య మాటల యుద్ధం కాస్త పరిధులు, పరిమితులు దాటి.. అభ్యంతరకరంగా మారింది. బండ్లగణేష్ రోజాను ఐరెన్ లెగ్ అంటూ చేసిన కామెంట్లకు మండిపడిన రోజా.. వాడకూడని భాష వాడుతూ బండ్ల గణేష్ ను తూర్పారబట్టింది.

దాంతో రాజుకున్న చిచ్చు సోషల్ మీడియాలో వైరల్ గా మారి మంటలు పుట్టిస్తోంది. జబర్దస్త్ షోలో నాగబాబు, రోజాలతో సహా నటులందరూ చాలా చాలా సరదాగాఉంటారు.. ఒక ఫ్యామిలీలా ఫీలవుతారు. నాగబాబు, రోజా కూడా చక్కగా మాట్లాడుకుంటారు... మరి ఈ మాటల మంటల నేపధ్యంలో వారిద్దరూ ఎలా ఉంటారన్న ఆసక్తి అందరిలోనూ కలుగుతోంది. అయితే రోజా ఈ విషయంపై ఇప్పటికే చాలాసార్లు క్లారిటీ ఇచ్చింది. పైకి ఎన్ని తిట్టుకున్నా.. అవన్నీ రాజకీయాలలో భాగమేనని చిరంజీవి కుటుంబంతో తనకెప్పుడూ సన్నిహిత సంబంధాలే ఉన్నాయనీ, ఉంటాయనీ చెప్పేసింది. ఖైదీ నెంబర్ 150 సినిమా రిలీజ్ సందర్భంగా వైసీపీ అనుకూల ఛానెల్ కి యాంకర్ గా మారి చిరును స్వయంగా ఇంటర్వ్యూ చేసి మరీ తన అభిమానాన్ని చాటుకుంది. కాబట్టి పవన్ కల్యాణ్ విషయంలో నాగబాబు, రోజా మధ్య పెద్దగా మాటల యుద్ధం రాదు కానీ.. హైపర్ ఆది విషయమే కాస్త సస్పెన్స్ గా మారింది.