logo
సినిమా

కారు ప్రమాదంపై నాని క్లారిటీ ఇస్తాడా..!

కారు ప్రమాదంపై నాని క్లారిటీ ఇస్తాడా..!
X
Highlights

ఇటీవల నాని కారు ప్రమాదం జరిగిన విషయం తెలిసిందే. ముందుగా ఈ ప్రమాదంలో డ్రైవర్‌ మాత్రమే గాయపడ్డట్టుగా వార్తలు...

ఇటీవల నాని కారు ప్రమాదం జరిగిన విషయం తెలిసిందే. ముందుగా ఈ ప్రమాదంలో డ్రైవర్‌ మాత్రమే గాయపడ్డట్టుగా వార్తలు వినిపించినా.. తరువాత తనకు కూడా స్వల్ప గాయాలైనట్టుగా నాని స్వయంగా సోషల్ మీడియా ద్వారా అభిమానులకు తెలిపారు. అయితే ఈ ప్రమాదంపై స్పందించేందుకు నాని చాలా సమయం తీసుకోవటంతో ఈ లోగా మీడియాలో రకరకాల వార్తలు వినిపించాయి. ఈ వార్తలపై క్లారిటీ ఇచ్చేందుకు నాని రెడీ అవుతున్నాడట.

నాని నిర్మించిన అ!! సినిమా ప్రీ రిలీజ్ ఫంక్షన్ ఇవాళ జరగబోతోంది. నిర్మాత స్వయంగా నానినే కాబట్టి తనే హోస్ట్ గా చేయాలనీ గతంలోనే డిసైడ్ అయ్యాడు. కాని అనుకోకుండా ఈ ప్రమాదం జరగడంతో రెస్ట్ తీసుకోవాల్సి వచ్చింది. ఇప్పుడు జరిగే ఈవెంట్ లో కనక నాని ఫుల్ ఎనర్జీ తో వ్యాఖ్యతగా ఉంటే ఏ సమస్యా లేనట్టే. ఒకవేళ తను చూడటం వరకే పరిమితమైతే మాత్రం గాయం మాననట్టే అనుకోవాలి. ఈ సినిమా వేడుకలో కారు ప్రమాదంపై నాని స్పందించనున్నాడట. ఇదే వేడుకలో అ! థియేట్రికల్‌ ట్రైలర్‌ను కూడా లాంచ్‌ చేయనున్నారు. ప్రశాంత్‌ వర్మ దర్శకత్వంలో తెరకెక్కుతున్న ఈ సినిమాలో కాజల్ అగర్వాల్‌, నిత్యా మీనన్‌, రెజినా, ఈషా రెబ్బా, అవసరాల శ్రీనివాస్‌, ప్రియదర్శిలు కీలక పాత్రల్లో నటిస్తుండగా నాని, రవితేజలు చేప, చెట్టు పాత్రలకు వాయిస్‌ అందిస్తున్నారు.

Next Story