అఖిల్ "హలో"టీజర్ ని బ్లాక్ చేసిన యూట్యూబ్

అక్కినేని అఖిల్ నటించిన "హలో" సినిమా చిక్కుల్లో పడినట్లు తెలుస్తోంది. విక్రం కుమార్ దర్శకత్వంలో అక్కినేని నాగార్జున నిర్మాతగా వ్యవహరిస్తున్నారు. అయితే ఈ సినిమాకు చెందిన టీజర్ ను ఆ చిత్ర యూనిట్ కొద్దిరోజుల క్రితం విడుదల చేసింది. ఈ టీజర్ కు చెందిన మ్యూజిక్ ను హలో టీం వాడుకున్నట్లు ఓ మ్యూజిక్ డైరక్టర్ యూట్యూబ్ కు ఫిర్యాదు చేశారు. దీంతో యూట్యూబ్ హలో టీజర్ ను తొలగించింది. ఈ విషయం తెలుసుకున్న చిత్ర బృందంలోని సభ్యులు షాక్ కి గురయ్యారు.

అంతేకాదు ఈ చిత్రానికి మ్యూజిక్ డైరక్టర్ గా ఉన్న అనూప్ రూబెన్స్ మాట్లాడుతు తాను ఆ మ్యూజిక్ ని ముందే కొనుగోలు చేసానని, కాబట్టి టీజర్ వీడియో కి వాడానని చెప్పుకొచ్చారు. కాని, యుట్యూబ్ మాత్రం అనూప్ మ్యూజిక్ కి సంబంధించి పూర్తీ పత్రాలను తమకు పంపించిన తర్వాతే టీజర్ ని తిరిగి అనుమతిస్తామని తెలిపింది.