Top
logo

మాతృప్రేమను కళ్లకు కట్టిన తల్లి ఆవు ఏంచేసిందంటే...

X
Highlights

కళ్ల ముందు కన్నబిడ్డకు...జరగరానిది జరిగితే తల్లి పడే బాధను ఊహించలేం. బిడ్డ మళ్లీ పూర్వ స్థితికి వచ్చే...

కళ్ల ముందు కన్నబిడ్డకు...జరగరానిది జరిగితే తల్లి పడే బాధను ఊహించలేం. బిడ్డ మళ్లీ పూర్వ స్థితికి వచ్చే వరకు...తల్లి మనసు తల్లడిల్లుతుంది. మనుషులకే మానవత్వం ఉందనుకుంటే...పొరపాటే. నోరు లేని మూగ జంతువులకూ మనసు ఉంటుందని నిరూపించింది ఓ ఆవు. గాయంతో విలవిలలాడుతున్న లేగ దూడను చూసి ఓ తల్లి ఆవు తట్టుకోలేకపోయింది. గాయపడ్డ తన బిడ్డను చికిత్స కోసం ఆసుపత్రికి తీసుకెళ్తుంటే...ఆవు కూడా పరుగులు పెట్టింది. మాతృప్రేమను కళ్లకు కట్టిన ఆవు, దూడ ఘటన కర్ణాటలోకి హవేరీలో జరిగింది.

ఓ రెండు నెలల లేగదూడ కాలికి గాయమైంది. దీంతో దూడ కాలికి ఇన్ఫెక్షన్‌ సోకడంతో నడవలేకపోయింది. దూడ అపస్మారక స్థితిలోకి వెళ్లడంతో...ఆవు మనసు విలవిలలాడింది. దూడ పరిస్థితిని గమనించిన యజమాని చికిత్స కోసం... ఓ ట్రాలీ ఆటోలో ఎక్కించి సమీపంలోని వెటర్నరీ ఆసుప్రతికి బయలుదేరాడు. దూడను ఆటోలో తీసుకెళ్తుంటే తల్లి ఆవు వాహనాన్ని అనుసరిస్తూ... పరుగులు పెట్టింది. ఈ నెల 25న దూడను ఆసుపత్రిలో చేర్పించడంతో చికిత్స చేసిన వైద్యులు...దూడ కోలుకోవడంతో డిశ్చార్జ్‌ చేశారు.

Next Story