యూఎస్‌లో దూసుకెళ్తోన్న ‘గీతగోవిందం’

విజయ్ దేవరకొండ నటించిన ‘గీత గోవిందం’ సినిమా హిట్ టాక్ సొంతం చేసుకుంది. రాజమౌళి, చిరంజీవి లాంటి ప్రముఖులు.. సినిమా బాగుందని ప్రశంసలు గుప్పిస్తున్నారు. ‘అర్జున్ రెడ్డి’ తర్వాత అందుకు పూర్తి విరుద్ధమైన గెటప్‌లో విజయ్ కనిపించిన ఈ సినిమాకు ప్రశంసలే కాదు కలెక్షన్లు కూడా బాగున్నాయి. ఇక్కడి మార్కెట్లోనే కాదు.. ఓవర్సీస్‌లోనూ గోవిందుడు భారీగా కలెక్షన్లు రాబడుతున్నాడు. ఇప్పటికే యూస్‌లో హాఫ్‌ మిలియన్‌ డాలర్లను కలెక్ట్ చేసినట్టు తెలుస్తోంది. గోపిసుందర్‌ సంగీతాన్ని అందించిన ఈ సినిమాలో ఛలో ఫేమ్‌ రష్మిక మందాన్న హీరోయిన్‌గా నటించింది. పరుశురామ్‌ ఈ సినిమాను తెరకెక్కించారు.