మెగా ఫ్యామిలీ లో మరొక యువరాణి

ప్రపంచం మొత్తం క్రిస్మస్ వేడుకల్లో తలమునకలై ఉంది. అయితే ఈ పండుగ రోజు మెగా ఫ్యామిలీకి మర్చిపోలేని రోజు గా మారింది. మెగాస్టార్ చిరంజీవి రెండవ కూతురు శ్రీజ కళ్యాణ్ దేవ్ ను పెళ్లి చేసుకున్న సంగతి తెలిసిందే. కొన్ని నెలల ముందే శ్రీజ గర్భవతి అని కళ్యాణ్ సోషల్ మీడియా ద్వారా తెలిపారు. ఇవాళ పొద్దున శ్రీజ ఆడపిల్లకు జన్మమిచ్చింది. అంటే మెగా ఫామిలీ లోకి మరొక బుల్లి యువరాణి విచ్చేసిందన్న మాట. ఈవార్త తో మెగా ఫ్యామిలీ మాత్రమే కాక మెగా ఫ్యాన్స్ కూడా సంతోషంలో వేడుకలు చేస్తున్నారు.

ఈ విషయాన్ని ఫ్యాన్స్ తో పంచుకుంటూ, "ఇప్పటికే గుర్తుండిపోయే క్రిస్మస్ ఇది. ఇవాళ పొద్దునే పండంటి ఆడపిల్ల పుట్టింది. అందరికి క్రిస్మస్ శుభాకాంక్షలు" అని పోస్ట్ చేశాడు కళ్యాణ్ దేవ్. శ్రీజకు ఇంతకుముందే ఇప్పటికే నివృత్తి అని ఒక పాప ఉన్న విషయం తెలిసిందే. ఈ మధ్యనే 'విజేత' సినిమాతో హీరోగా టాలీవుడ్ కి పరిచయమైన కళ్యాణ్ మొదటి సినిమాతో పెద్దగా మెప్పించలేకపోయాడు. ప్రస్తుతం పులి వాసు దర్శకత్వంలో తన రెండవ సినిమాలో నటించబోతున్నాడు.రిజ్వాన్ ఎంటర్టైన్మెంట్స్ బ్యానర్ ఈ సినిమాను నిర్మిస్తోంది. ఈ సినిమా టైటిల్, హీరోయిన్ మరియు ఇతరత్రా వివరాల గురించి ఇంకా తెలియాల్సి ఉంది.