చిన్నారి కలను నిజం చేసిన సూర్య...ఆ బాలుడి ఖర్చు భరిస్తానని హామీ!

సౌతిండియా స్టార్ హీరోల్లో ఒకరైన సూర్యకు ఉన్న ఫ్యాన్ ఫాలోయింగ్ అంతా ఇంతా కాదు. కేవలం నటన మాత్రమే కాదు, సేవా గుణం, అభిమానుల పట్ల చూపించే ప్రేమ ఆయన్ను ఇంత గొప్పస్థాయికి తీసుకొచ్చిందని చెబుతుంటారు. తాజాగా మరోసారి సూర్య తన పెద్ద మనసు చాటుకున్నారు. అరుదైన వ్యాధితో బాధపడుతోన్న దినేశ్ అనే బాలుడికి తన అభిమాన నటుడైన సూర్యను చూడాలనిపించిందట. కుర్రాడికి నటుడు సూర్యను కలవాలన్నది చిరకాల కల అట. ఈ విషయం తెలుసుకున్న సూర్య .. ఆ పిల్లాడిని తన ఇంటికి పిలిపించుకుని సరదాగా గడిపారు. ఆ పిల్లాడికి కొన్ని కానుకలను అందజేయడమే కాకుండా .. సెల్ఫీలు కూడా తీసుకుని అతణ్ణి ఉత్సాహపరిచారు. అంతే కాకుండా ఆ పిల్లవాడి వైద్యానికి ఎంత ఖర్చు అయినా తాను భరిస్తానని హామీ ఇచ్చారట. ఆ పిల్లాడి తల్లిదండ్రులు సూర్యకి కృతజ్ఞతలు తెలియజేశారు. ఈ విషయం తెలిసిన ప్రతి ఒక్కరూ సూర్య మంచి మనసును అభినందిస్తున్నారు.

• Exclusive : Thalaivan @Suriya_offl 's inspiring words to his Kutty fan #DineshKumar From #Theni ��♥ #suriya #AltruisticSuriya @rajsekarpandian @prabhu_sr pic.twitter.com/0zCbBRrAXX

— Surya Fans Club™ (@SuriyaFansClub) September 19, 2018