logo

కాసేపట్లో ఏపీలో గ్రామ వార్డు, సచివాలయ ఉద్యోగాల పరీక్షలు ... నిమిషం ఆలస్యమైనా నో ఎంట్రీ

కాసేపట్లో  ఏపీలో గ్రామ వార్డు, సచివాలయ ఉద్యోగాల పరీక్షలు ... నిమిషం ఆలస్యమైనా నో ఎంట్రీ
Highlights

ఏపీ ప్రభుత్వం ప్రతిష్టాత్మకంగా చేపట్టిన సచివాలయ ఉద్యోగాల పోస్టుల భర్తీకి ఉద్దేశించిన రాత పరీక్షలు ఈ ఉదయం...

ఏపీ ప్రభుత్వం ప్రతిష్టాత్మకంగా చేపట్టిన సచివాలయ ఉద్యోగాల పోస్టుల భర్తీకి ఉద్దేశించిన రాత పరీక్షలు ఈ ఉదయం 10గంటల నుంచి ప్రారంభం కానున్నాయి. మొత్తం 1,26,728 పోస్టుల భర్తీకి21,69,719 మంది దరఖాస్తు చేసుకున్నారు. మొత్తం ఐదు రోజులపాటు నిర్వహించే రాత పరీక్షలు ఈ నెల 8వ తేది వరకు జరగనున్నాయి. ఉదయం ఒక పరీక్ష , మధ్యాహ్నం మరో పరీక్ష ఉంటుంది. తొలిరోజు 15,49,941 మంది పరీక్షలు రాయనున్నారు. మొదటిరోజు మొత్తం 4,478 కేంద్రాల్లో రాతపరీక్షలు జరగనున్నాయి.

గ్రామ, వార్డు కార్యదర్శుల పరీక్షలకు హాజరయ్యే అభ్యర్థుల కోసం మున్సిపల్‌ శాఖ కమిషనర్, డైరెక్టర్‌ విజయకుమార్‌ పలు సూచనలు చేశారు.

_ హాల్‌ టికెట్‌తోపాటు ఒరిజినల్‌ ఫొటో గుర్తింపు కార్డు తప్పనిసరి

– పరీక్షా సమయానికి ఒక్క నిమిషం ఆలస్యమైనా అనుమతించరు.

– పరీక్ష ముగిసేంత వరకు అభ్యర్థులను బయటకు అనుమతించరు. ఎవరైనా మధ్యలో వెళ్లిపోతే వారిని అనర్హులుగా ప్రకటిస్తారు.

– హాలు టికెట్‌తోపాటు అభ్యర్థి గుర్తింపు కోసం ప్రభుత్వం జారీచేసిన ఫొటో ఆధార్‌ కార్డు, పాన్‌కార్డు, ఓటరు కార్డు, పాస్‌పోర్టు, డ్రైవింగ్‌ లైసెన్స్‌ల్లో ఏదో ఒకటి ఒరిజినల్‌ కార్డును అభ్యర్థులు తీసుకువెళ్లాలి.

– హాలు టికెట్‌లో ఫోటో సక్రమంగా లేకపోతే ఫొటోపై గజిటెడ్‌ అధికారితో అటెస్ట్‌ చేయించాలి.

– ఎలాంటి ఎలక్ట్రానిక్‌ వస్తువులను అనుమతించరు.

– బ్లూ లేక బ్లాక్‌ పెన్‌ మాత్రమే అనుమతిస్తారు. పెన్సిల్‌ లేదా జెల్‌పెన్స్, వైటనర్‌లను అనుమతించరు.

పరీక్షలకు హాజరవుతున్న అభ్యర్థులందరూ ఎటువంటి వదంతులను నమ్మవద్దనీ, పూర్తిగా మెరిట్‌ ప్రాతిపదికనే ఈ ఉద్యోగాలన్నీ భర్తీ చేయనున్నట్లు విజయకుమార్‌ స్పష్టంచేశారు.


లైవ్ టీవి


Share it
Top