పోలీస్‌ కుటుంబాలకు ఏపీ డీజీపీ బహిరంగ లేఖ.. నా మాట మన్నించి..

రాష్ట్ర పోలీస్ కుటుంబాలకు ఏపీ డీజీపీ గౌత‌మ్ సవాంగ్ బహిరంగ లేఖ రాశారు. పోలీస్ కుటుంబాలకు ఏమి ఇచ్చినా నేను రుణం తీర్చుకోలేను . 24 గంటలు అందుబాటులో ఉండే విధంగా వెల్ ఫేర్ డెస్క్ ఫర్ పోలీస్ ఫ్యామిలీస్ ను ఏర్పాటు చేస్తున్నాము. కరోనా నుంచి రాష్ట్రాన్ని రక్షించడమే మన పోలీసుల తక్షణ కర్తవ్యం అని తెలిపారు. పోలీస్ కుటుంబాలకు అభినందనలు తెలుపుతున్నాము . పోలీస్ కుటుంబాలు పరోక్షంగా చేస్తున్న త్యాగాలు మరువలేనివి. నా మాట మన్నించి కరోనా ప్రమాదకరం అని తెలిసినా , నీరు లేకున్నా , ఆహారం లేకున్నా రక్షకభటుడు అనే పేరును సార్దకం చేస్తున్నారు . పోలీసు కుటుంబాలు ఎంత మదన పడుతున్నాయో నేను ఊహించగలను. పోలీస్ భార్యలకు, పిల్లలకు ధన్యవాదాలు సోషల్ మీడియాలో పోలీస్ కుటుంబాలు చేస్తున్న ప్రచారం మరువలేనిది అని తెలిపారు.