బాలీవుడ్ లో నిర్మాతలకు కాసుల వర్షం కురిపిస్తున్న అగ్నిపథ్ సినిమా
1990లో అమితాబ్ బచ్చన్ నటించిన సినిమా అగ్నిపథ్.. ఈ సినిమాలో బిగ్ బీ డాన్ పాత్రలో ఒదిగిపోయారు. అంతేకాకుండా ఈ చిత్రంలో నటనకుగాను జాతీయ స్థాయిలో ఉత్తమ నటుడి అవార్డు అందుకున్నారు. చిత్రంలోని డైలాగులు ప్రేక్షకులన్ని ఎప్పటికి గుర్తుండిపోయేలా చేశాయి. ఇపుడు అదే సినిమా.. కాకపోతే నటీనటులు మరారు. ఫలితం.. నిర్మాతలకు కాసుల సునామీ. అగ్నిపథ్ లో సంజయ్ దత్ గెటప్పే సినిమాకు హైలెట్. అంతేకాకుండా నటనతోనూ మైమరిపించారు.
సల్మాన్ ఖాన్ నటించిన బాడీగార్డ్ సినిమా పేరిట ఉన్న రికార్డులను అగ్నిపథ్ బద్దలు కొట్టింది. బాడీగార్డు సినిమా తొలి రోజు 21కోట్లు వసూలు చేస్తే, అగ్నిపథ్ 24కోట్ల రూపాయలను వసూలు చేసింది. హృతిక్ రోషన్ నటన, ప్రియాంక చోప్రా అందాలు అదనపు ఆకర్షణగా నిలిచాయి. అంతేకాకుండా కత్రినా కైఫ్ మరోసారి ప్రత్యేక గీతంతో రెచ్చిపోయింది. చిక్నీ ఛమేలీ అంటూ ప్రేక్షకులను ఊర్రుతలూగించింది.
