Congress party

తెలంగాణ కాంగ్రెస్ పార్టీకి తీరని నష్టం ....

Submitted by nanireddy on Sat, 07/07/2018 - 18:10

తెలంగాణ కాంగ్రెస్ నేతల మధ్య సఖ్యత లేకపోవడం ఆ పార్టీకి తీరని నష్టం కలిగిస్తోంది. ప్రజా సమస్యలపై కలిసి పోరాడాల్సిన నాయకులు విభేదాల కారణంగా ఏకతాటిపై నడవలేకపోతున్నారు. ప్రభుత్వాన్ని నిలదీయాల్సిన నాయకులు కేవలం పత్రికా ప్రకటనలకే పరిమితమౌతున్నారు. తెలంగాణ కాంగ్రెస్‌లో నెలకొన్న ఈ పరిస్థితి ఇంకా ఎంత కాలం కొనసాగుతుంది ? నాయకులు కలిసికట్టుగా పోరాటం చేసే ఛాన్సే లేదా ? ‌పార్టీ నేతల మధ్య విభేదాలు తారా స్థాయికి చేరాయి. ఒకరితో ఒకరు కలిసి పనిచేసే వాతావరణమే కరువైంది. ప్రజాసమస్యలపై మూకుమ్మడి పర్యటనలు చేపట్టాల్సిన నేతలు ఎవరికి వారే యమునా తీరే అన్న చందంగా తయారయ్యారు.

రెడీ 1..2..

Submitted by arun on Fri, 06/29/2018 - 12:35

నిన్న కూడా టీఆర్ఎప్ ఎంపీ ధర్మపురి శ్రీనివాస్‌కు సీఎం కేసీఆర్ దర్శన భాగ్యం కలగలేదు. దీంతో కాంగ్రెస్ స్పీడ్ పెంచింది. ఇదే అదనుగా డీఎస్‌ను హస్తం గూటికి చేర్చే యత్నాలు ఆరంభించింది. పరిస్థితి చూస్తుంటే డీఎస్ కాంగ్రెస్ కండువా కప్పుకోవడం ఖాయంగా కనిపిస్తోంది.

కాంగ్రెస్ ఈ దుస్ధితికి రావడానికి కారణం ఒక వర్గం వారే

Submitted by arun on Sat, 06/23/2018 - 14:05

కాంగ్రెస్‌ పార్టీకి సీనియర్‌ నాయకులు దానం నాగేందర్‌ శనివారం రాజీనామా చేశారు. తన రాజీనామా లేఖను అధ్యక్షుడు రాహుల్‌ గాంధీకి, టీపీసీసీ చీఫ్‌ ఉత్తమ్‌కుమార్‌ రెడ్డిలకు పంపారు. ఆనంతరం ఆయన మీడియాతో మాట్లాడుతూ.. ఎలాంటి పదవులకు ఆశపడి టీఆర్ఎస్‌లో చేరలేదని దానం నాగేందర్ అన్నారు. పదవులు ఉన్నా లేకపోయినా తన వెంట నడిచిన కార్యకర్తల కోసమే కాంగ్రెస్‌ను వీడనన్నారు. టీఆర్ఎస్‌లో పదవులు వచ్చినా రాకపోయినా ... సైనికుడిలా పనిచేయడమే తన లక్ష్యమన్నారు. కాంగ్రెస్‌లోని నేతల తీరు వల్లే మూడు దశాబ్ధాల అనుబంధం తెంచుకున్నానంటూ దానం ప్రకటించారు.

కాంగ్రెస్‌‌కు షాకుల మీద షాకులు...దానం దారిలో మరికొందరు సీనియర్లు

Submitted by arun on Fri, 06/22/2018 - 16:44

గ్రేటర్‌ హైదరాబాద్‌లో కాంగ్రెస్‌ పార్టీకి షాకుల మీద షాకులు తగులుతున్నాయి. మాజీ మంత్రి దానం నాగేందర్‌ కాంగ్రెస్‌ పార్టీకి రాజీనామా చేయడంతో మరికొంత మంది సీనియర్లు ఆయన దారిలో పార్టీకి Related imageగుడ్‌బై చెప్పేందుకు రెడీ అవుతున్నారు. మాజీ మంత్రి ముఖేష్‌ గౌడ్‌, ఆయన కుమారుడు విక్రమ్‌ గౌడ్‌ కూడా కాంగ్రెస్‌ పార్టీకి రాజీనామా చేసే యోచనలో ఉన్నట్టు తెలుస్తోంది. దానం నాగేందర్ రాజీనామాపై పీసీసీ చీఫ్ ఉత్తమ్ కుమార్ రెడ్డి స్పందించారు. దానంను బుజ్జగించేందుకు ఆయన నివాసానికి వెళ్లారు.

ఉత్తమ్‌ బస్సు యాత్రకు బ్రేక్‌?

Submitted by arun on Wed, 06/20/2018 - 07:16

తెలంగాణలో కాంగ్రెస్‌ అధికారంలోకి వచ్చేవరకూ గడ్డం గీసుకోనంటూ ప్రతినబూని.... పార్టీ బలోపేతం కోసం బస్సు యాత్ర చేపట్టిన టీపీసీసీ చీఫ్‌ ఉత్తమ్‌కు... సీనియర్లు చెక్‌ పెట్టారనే టాక్‌ వినిపిస్తోంది. మూడు విడతల్లో 38 నియోజకవర్గాలను చుట్టేసిన ఉత్తమ్‌ను... నాలుగో విడత యాత్ర చేపట్టొద్దని అధిష్టానం ఆదేశించినట్లు టాక్‌ వినిపిస్తోంది. ఉత్తమ్‌ ఢిల్లీ టూర్ తర్వాత పరిస్థితి మొత్తం తారుమారైందనే చర్చ పార్టీలో జోరుగా సాగుతోంది.

ఇద్దరు చంద్రుళ్లు చెప్పినట్లే చేశానన్న సీఎం

Submitted by arun on Wed, 06/06/2018 - 14:47

కర్ణాటక ముఖ్యమంత్రి కుమారస్వామి సంచలన వ్యాఖ్యలు చేశారు. ఏపీ సీఎం చంద్రబాబు, తెలంగాణ సీఎం కేసీఆర్‌ సలహాతోనే....కాంగ్రెస్‌తో పొత్తు పెట్టుకున్నట్లు వెల్లడించారు. కమలం పార్టీ కంటే కాంగ్రెస్‌ పార్టీతో వెళ్లడమే మంచిదని చాలా మంది సీఎంలు, పార్టీ నేతలు తనకు సలహా ఇచ్చారని కుమారస్వామి తెలిపారు. చదువుల్లో ఎప్పుడూ మొద్దేనన్న కర్ణాటక సీఎం...బాగా చదువుంటే సివిల్స్‌ సర్వీస్‌లోకి వెళ్లి ఉండి వాడినన్నారు.

తెలంగాణలో బీజేపీకి కాంగ్రెస్ షాక్

Submitted by arun on Tue, 04/24/2018 - 11:34

తెలంగాణ బీజేపీకి షాకివ్వడానికి కాంగ్రెస్ సిద్ధమవుతోంది. మాజీ మంత్రి నాగం జనార్ధన్ రెడ్డితో పాటు మరికొందరు నేతలు హస్తం పార్టీలో చేరడానికి రెడీ అయ్యారు. నాగం చేరికకు తేదీ ఖరారు కావడంతో మిగతా నేతలు కూడా ఢిల్లీ వెళ్ళడానికి సిద్ధమవుతున్నారు. దీంతో తెలంగాణ బీజేపీ నేతలు తలలు పట్టుకుంటున్నారు. 

దారి తప్పిన బస్సు..బస్సు దిగకుండా యాత్ర పూర్తి చేస్తున్న పీసీసీ చీఫ్

Submitted by arun on Thu, 04/05/2018 - 11:19

ప్రజల్లోకి వెళ్లి ప్రజాసమస్యలు తెలుసుకొనేందుకు చేపట్టిన ప్రజాచైతన్య బస్సు యాత్ర నామ్ కే వాస్తేగా మారింది. జిల్లా పర్యటనల్లో పీసీసీ చీఫ్ ఉత్తమ్ కుమార్ రెడ్డి బస్సు దిగకుండా యాత్ర కానిచ్చేస్తున్నారు. సభలకు వేదిక ఎక్కడం.. దిగడం.. తప్ప జనంతో మమేకం కావడం లేదని సొంత పార్టీ వారే విమర్శిస్తున్నారు. ప్రభుత్వాన్ని ప్రజల్లో ఎండగడుతాం..ప్రజల్లోనే ప్రభుత్వానికి బుద్ధి చెబుతాం..ప్రజా సమస్యలను ప్రభుత్వం దృష్టికి తీసుకొస్తాం.. నాలుగేళ్లుగా తెలంగాణ కాంగ్రెస్ నేతలు చెబుతున్న మాటలివి. మొత్తానికి పీసీసీ అధ్యక్షుడు రాష్ట్రవ్యాప్తంగా ప్రజాచైతన్య బస్సుయాత్ర చేపట్టారు.

పేరు మార్చుకున్న రాహుల్‌గాంధీ

Submitted by arun on Sat, 03/17/2018 - 12:44

కాంగ్రెస్‌ అధ్యక్షుడు రాహుల్‌గాంధీ పేరు మార్చుకున్నారు. ఎందులో, ఎక్కడ, ఏం పేరు ఇలా డౌట్స్‌ మీద డౌట్స్‌ వస్తున్నాయి కదా.. ఏమీ లేదండి, రాహుల్‌ తన ట్విటర్‌ ఖాతా పేరును మార్చుకున్నారు. ఎందుకనీ అంటే... ఇంత వరకు ఆఫీస్ఆఫ్ఆర్జీ అని ఆయన ట్విట్టర్ పేజీని నడిపారు. అంటే రాహుల్ గాంధీ కార్యాలయం అని అర్థం చేసుకోవాల్సి ఉంటుంది. దీనిపై విమర్శలు ఎక్కువగా వచ్చేవి. గొప్ప కోసం లేదా వెర్రితనంగా దీన్ని సామాజిక మాధ్యమంలో అభివర్ణిస్తూ కామెంట్లు పెట్టేవారు. తన ట్విట్టర్ ఖాతాలో తన పెంపుడు కుక్క ట్వీట్లు పెడుతుందంటూ ఆయన గతంలో విమర్శకులకు సమాధానంగా జోకులు పేల్చారు.

హెడ్‌ఫోన్ విసిరితే నా కంటికి తాకింది: స్వామిగౌడ్

Submitted by arun on Mon, 03/12/2018 - 12:26

తెలంగాణ బడ్జెట్ సమావేశాల్లో కాంగ్రెస్ నేత కోమటిరెడ్డి వెంకటరెడ్డి దురుసుగా ప్రవర్తించారు. గవర్నర్ ప్రసంగిస్తున్న సమయంలో మూడుసార్లు మైక్, ఒకసారి హెడ్ ఫోన్స్‌ను విసిరారు. మైక్ గాంధీ ఫోటోను తాకి స్వామి గౌడ్ కంటికి తగిలింది. దీంతో ఆయనను వెంటనే కంటి ఆస్పత్రికి తరలించారు. అనంతరం స్వామిగౌడ్‌ మీడియాతో మాట్లాడుతూ.. కాంగ్రెస్‌ సభ్యులు విసిరిన మైక్‌ నేరుగా తన కంటికి తగిలిందని తెలిపారు. బాధ కలుగుతున్నప్పటికీ ఓర్చుకుంటూ గవర్నర్‌ ప్రసంగం పూర్తయ్యేవరకు ఓర్చుకున్నానన్నారు. అనంతరం సీఎం కేసీఆర్‌ సూచన మేరకు సరోజిని కంటి ఆస్పత్రికి వెళ్లి పరీక్ష చేయించుకున్నట్లు తెలిపారు. కంటికి ఎలాంటి ప్రమాదం లేదని..