chandrababu

కూటమిపై ప్రజలకు విశ్వాసం లేదు..

Submitted by chandram on Sun, 12/02/2018 - 13:45

 తెలంగాణ అసెంబ్లీ ఎన్నికల ప్రచారపర్వం కీలకదశకు చేరుకోవడంతో భాజపా అగ్రనేతలు రాష్ట్రానికి వరుస కడుతున్నారు. పార్టీ అభ్యర్థులకు ప్రచారం కోసం పలు నియోజకవర్గాలకు వస్తున్నారు. ఈ నేపథ్యంలో నితిన్ గడ్కరీ  ఉప్పల్‌ రింగ్‌రోడ్డులో మాజీ కేంద్రమంత్రి బండారు దత్తాత్రేయ, బీజేపీ అభ్యర్థి ఎన్వీఎస్‌ఎస్‌ ప్రభాకర్‌తో కలిసి ఆదివారం రోడ్డుషోలో పాల్గొన్నారు. ఈ సందర్బంగా ఆయన మాట్లాడుతూ కాంగ్రెస్‌, టీఆర్‌ఎస్‌లపై విరుచుకపడ్డారు. అవకాశవాద పార్టీలతో ఏర్పడిన ప్రజాకూటమిపై తెలంగాణ ప్రజలకు విశ్వాసం లేదని, కేవలం స్వార్ధ రాజకీయాల కోసమే ప్రజకూటమిని ఏర్పాటు చేశారని ఆరోపించారు.

కోడలు కోసం కదిలిన బాబు

Submitted by arun on Sat, 12/01/2018 - 09:41

కూకట్ పల్లి టీడీపీ అభ్యర్థిని నందమూరి సుహాసిని కోసం ఫ్యామిలీ కదిలి వస్తోంది. మొట్టమొదటిసారి ఎన్నికల బరిలో నిలిచిన సుహాసిని గెలిపించుకునేందుకు కుటుంబ సభ్యులు ముందుకు వస్తున్నారు. బాబాయ్ నందమూరి బాలకృష్ణ దగ్గరుండి నామినేషన్ వేయించారు. జూనియర్ ఎన్టీఆర్, కళ్యాణ్ రామ్ సుహాసినికి మద్దతుగా నిలిచారు. ఆమె గెలుపు కోరుతూ ట్విట్టర్ ద్వారా స్పందించారు. సుహాసినికి సీటు ఖరారు చేసిన చంద్రబాబు నాయుడు గెలుపు బాధ్యతలు తీసుకున్నారు. శనివారం  సుహాసినికి మద్దతుగా చంద్రబాబునాయుడు కూకట్ పల్లి నియోజకవర్గంలో ప్రచారం చేయనున్నారు. శనివారం  ఉదయం సీఎం చంద్రబాబు హైదరాబాద్ చేరుకుంటారు.

ఫామ్‌హౌస్‌ తప్ప కేసీఆర్‌ ఏమీ నిర్మించలేదు: చంద్రబాబు

Submitted by arun on Fri, 11/30/2018 - 11:49

హైదరాబాద్ ను తానే కట్టానని అనడం లేదని ఏపీ సీఎం చంద్రబాబు నాయుడు స్పష్టం చేశారు. కేసీఆర్ నన్ను చూసి ఎగతాళి చేశారన్నారు. కేసీఆర్ ఫామ్‌హౌస్‌ తప్ప ఏమీ నిర్మించలేదని చంద్రబాబు ఎద్దేవా చేశారు. సైబరాబాద్ తన మానసపుత్రిక అని అన్నారు. హైదరాబాద్ ను అంతర్జాతీయ స్థాయిలో తీర్చిదిద్దానని బాబు చెప్పారు.  హైదరాబాద్ లో నిర్మించిన ఔటర్ రింగ్ రోడ్డు ప్రపంచంలోనే ఓ అద్భుతమన్నారు.అమరావతి ప్రజావేదికలో భాగంగా నిర్వహించిన కలెక్టర్ల సదస్సులో చంద్రబాబు మాట్లాడారు. 2024 కోసం విజన్ డాక్యుమెంట్ ను రూపొందించాలని సూచించారు. దేశం బాగుంటేనే రాష్ట్రం బాగుంటుందన్నారు.
 

సుహాసినిని మంత్రిని చెయ్యొచ్చుగా?

Submitted by arun on Fri, 11/30/2018 - 11:30

ఏపీ సీఎం చంద్రబాబునాయుడుకు నందమూరి కుటుంబంపై ప్రేమ లేదని, వారి కుటుంబాన్ని పూర్తిగా రాజకీయాలకు దూరం చేసేందుకు కుట్ర పన్నారని మంత్రి కేటీఆర్‌ ఆరోపించారు. అందుకే ఓడిపోయే కూకట్‌పల్లి సీటును నందమూరి సుహాసినికి కేటాయించారని అన్నారు. గురువారం కూకట్‌పల్లి నియోజకవర్గంలో చేపట్టిన రోడ్‌షోలో భాగంగా కేపీహెచ్‌బీకాలనీ బస్టాప్‌ సెంటర్‌లో ఆయన మాట్లాడారు. రాజకీయాలంటే తెలియని సుహాసినిని కూకట్‌పల్లిలో నిలబెట్టారని మంత్రి కేటీఆర్ ధ్వజమెత్తారు. నందమూరి కుటుంబంపై చంద్రబాబుకు నిజంగానే ప్రేమ ఉంటే ఆయన కుమారుడు లోకేశ్‌ను చేసినట్లు ఆమెను కూడా ఏపీలో డైరెక్ట్‌గా మంత్రిని చేయొచ్చు కదా?

హైదరాబాద్, చార్మినార్ కట్టానని చెప్పలేదు: చంద్రబాబు

Submitted by arun on Thu, 11/29/2018 - 15:13

హైదరాబాద్ ను తానే కట్టినట్లు చంద్రబాబు చెప్పుకుంటున్నారని తెలంగాణ సీఎం కేసీఆర్ విమర్శించడంపై టీడీపీ అధినేత ఈ రోజు స్పందించారు. హైదరాబాదును, చార్మినార్ ను కట్టినట్లు తాను ఎన్నడూ ప్రచారం చేసుకోలేదని ఏపీ ముఖ్యమంత్రి చంద్రబాబు స్పష్టం చేశారు. తాను సైబరాబాద్ ను మాత్రమే నిర్మించాననీ, హైదరాబాద్ కు పేరు తీసుకొచ్చానని స్పష్టం చేశారు. తెలంగాణలో ఎవరూ ఊహించని అభివృద్ధిని టీడీపీ ప్రభుత్వం చేపట్టిందన్నారు. శేరిలింగంపల్లిలో రోడ్‌షో‌లో పాల్గొన్న చంద్రబాబు మాట్లాడుతూ తెలంగాణలో ఊహించని అభివృద్ధి చేశామని చెప్పుకొచ్చారు. హైదరాబాద్‌ అభివృద్ధి తమ కష్టార్జితమన్నారు.

ఖమ్మం సభలో కేసీఆర్‌కు చంద్రబాబు కౌంటర్

Submitted by arun on Wed, 11/28/2018 - 16:44

ఖమ్మంలో నిర్వహిస్తున్న మహాకూటమి బహిరంగసభ సందర్భంగా సరికొత్త ఘట్టం ఆవిష్కృమైంది. మొన్నటిదాకా ఉప్పూనిప్పుగా ఉన్న కాంగ్రెస్ అధినేత రాహుల్ గాంధీ, ఏపీ ముఖ్యమంత్రి చంద్రబాబులు ఒకే వేదికపై ఆశీనులయ్యారు. పక్కపక్కనే కూర్చుని పార్టీ శ్రేణుల్లో ఉత్సాహం నింపారు. ప్రజాకూటమి సభలో మాట్లాడిన టీడీపీ అధినేత చంద్రబాబు కేసీఆర్‌కు పరోక్షంగా కౌంటర్ ఇచ్చారు. హైదరాబాద్‌ను నిర్మించినట్లు తాను చెప్పినట్లు అంటున్నారని, తాను నిర్మించలేదని, సైబరాబాద్‌కు తన హయాంలో రూపకల్పన చేశామని చంద్రబాబు చెప్పారు. ఇంటర్నేషనల్ ఎయిర్‌పోర్టుకు రూపకల్పన చేశామని గుర్తుచేశారు.

రాహుల్, బాబు సభపై ఉత్కంఠ

Submitted by arun on Wed, 11/28/2018 - 11:22

మహాకూటమి ప్రచారం ముమ్మరం చేసింది. ఇప్పటికే సోనియాను తీసుకొచ్చి సెంటిమెంట్‌ను పారించిన కూటమి పార్టీలు ఇవాళ్టి నుంచి రాహుల్‌గాంధీతో ప్రచారం నిర్వహించనుంది. తొలుత కొడంగల్‌లో నియోజకవర్గంలోని కోస్గీ బహిరంగ సభకు హాజరుకానున్నారు. తర్వాత ఖమ్మం సభలో చంద్రబాబుతో కలిసి వేదికను పంచుకోనున్నారు. తెలుగు రాజకీయాల్లో ఆసక్తికరమైన సన్నివేశం మరికొన్ని గంటల్లోనే ఆవిష్కృతం కానుంది. ఒకే వేదికపైకి టీడీపీ, కాంగ్రెస్‌ పార్టీల అధ్యక్షులు చంద్రబాబు, రాహుల్‌గాంధీ కనిపించబోతున్నారు. తెలంగాణ ఎన్నికల ప్రచారం సందర్భంగా ఇవాళ ఖమ్మంలో జరగనున్న మహాకూటమి సభలో ఇద్దరు నాయకులు కీలక ప్రసంగాలు చేయనున్నారు.

తెలంగాణ అభివృద్ధి కోసం టీఆర్‌ఎస్‌ను ఓడించాలి...

Submitted by arun on Mon, 11/26/2018 - 15:45

తెలంగాణ అభివృద్ధి కోసం టీఆర్ఎస్ ను ఓడించి ప్రజా కూటమిని గెలిపించాలని ఏపీ సీఎం చంద్రబాబు పిలుపునిచ్చారు. టీఆర్ఎస్ వైసీపీ, జనసేన కుమ్మక్కయ్యాని ఆరోపించారు. గోదావరి-పెన్నా నదుల అనుసంధానానికి ముఖ్యమంత్రి చంద్రబాబు శ్రీకారం చుట్టారు.  తొలి దశ పనులకు గుంటూరు జిల్లా నకరికల్లు వద్ద ఆయన శంకుస్థాపన చేశారు. ఈ సందర్భంగా మాట్లాడుతూ ఔటర్‌ రింగ్‌రోడ్డు, హైటెక్ సిటీ చూస్తుంటే తనకెంతో తృప్తి కలుగుతుందన్నారు. తెలుగుజాతి కలిసుండాలని అంటే కేసీఆర్‌ విమర్శిస్తున్నారని, కేసీఆర్‌ తనను తిడుతుంటే బాధేసిందని చంద్రబాబు అన్నారు. తెలంగాణ కూడా అభివృద్ధి చెందాలని, మనం సహకరించాలని ఆయన అన్నారు.

సీఎం చంద్రబాబుతో ప్రముఖ సినీ నటి భేటీ

Submitted by arun on Thu, 11/22/2018 - 15:07

టీడీపీ జాతీయ అధ్యక్షుడు, ఆంధ్రప్రదేశ్ ముఖ్యమంత్రి చంద్రబాబు నాయుడును ప్రముఖ సినీ నటి దివ్యవాణి కలిశారు. ఉండవల్లిలోని సీఎం నివాసంలో గురువారం చంద్రబాబును కలిసిన అనంతరం ఆమె మాట్లాడుతూ...చంద్రబాబు దార్శనికత వల్ల ఏపీ ఎంతో అభివృద్ధి చెందిందన్నారు. అలాగే ప్రస్తుతం తెలంగాణ రాష్ట్రంలో జరుగుతున్న ఎన్నికల్లో ప్రచారం నిర్వహించేందుకు సిద్ధంగా ఉన్నానని చంద్రబాబుకు చెప్పానన్నారు.
 

చంద్రబాబు కుటుంబ ఆస్తుల వివరాలు ప్రకటించిన లోకేశ్

Submitted by arun on Wed, 11/21/2018 - 18:03

ప్రతి ఏడాది ఆస్తుల వివరాలను ప్రకటిస్తూ వస్తున్న చంద్రబాబు కుటుంబం ఈ సారి కూడా అదే పంథాను కొనసాగించింది. కుటుంబ ఆస్తుల వివరాలను పంచాయతీ శాఖామంత్రి లోకేష్‌ వెల్లడించారు. రాజకీయాల్లో ప్రజలకు జవాబుదారీతనంతో ఉండాలనీ, అందుచేతే తెలుగుదేశం అధికారంలో ఉన్నా, లేకున్నా ఆస్తుల వివరాలు ప్రకటిస్తూనే వస్తున్నట్టు ఆయన తెలిపారు. కాగా, చంద్రబాబు కుటుంబం తమ ఆస్తుల వివరాలను ప్రకటించడం ఇది ఎనిమిదోసారి.
 
ఆస్తుల వివరాలు:
 
చంద్రబాబు పేరు మీద ఉన్న ఆస్తుల విలువ 2.9 కోట్లు
 
నారా భువనేశ్వరి ఆస్తుల విలువ రూ. 31.01 కోట్లు