chandrababu

చంద్రబాబు మగాడిలా ముందుకు రావాలి

Submitted by arun on Sat, 09/15/2018 - 16:05

తెలంగాణలో రాజకీయాలు చేయాలంటే చంద్రబాబు మగాడిలా ముందుకు రావాలి కానీ దొంగలా రావొద్దని టీఆర్‌ఎస్ నాయకుడు గట్టు రామచంద్రరావు సవాల్ చేశారు. చంద్రబాబు బతుకంతా దొంగ రాజకీయాలేనని...బాబు కుట్రలను ఎదుర్కోవడానికి తెలంగాణ సమాజమంతా రెడీగా ఉందన్నారు. చంద్రబాబు తెలివైన దొంగ అని  తెలంగాణను పాడు చేయడానికి బాబు టీడీపీ ఆఫీసులో డెన్‌ను ఏర్పాటు చేశాడని విమర్శించారు. అవినీతితో అడ్డదిడ్డంగా సంపాదించిన ధనంతో తెలంగాణను నాశనం చేయడానికి కుట్ర చేస్తున్నాడు. టీడీపీ కుట్రలను ఎలా విచ్ఛిన్నం చేయాలో టీఆర్‌ఎస్‌కు తెలుసన్నారు.

చంద్రబాబుపై బాల్కసుమన్‌ సంచలన వ్యాఖ్యలు

Submitted by arun on Sat, 09/15/2018 - 15:23

ఉమ్మడి రాజధాని హైదరాబాద్‌ను అడ్డంపెట్టుకుని టీఆర్‌ఎస్‌కు వ్యతిరేకంగా ఏపీ సీఎం చంద్రబాబు కుట్ర చేస్తున్నారని టీఆర్‌ఎస్ ఎంపీ బాల్క సుమన్ ఆరోపించారు. గత 15 రోజులుగా హైదరాబాద్‌లో ఏపీ ఇంటెలిజెన్స్ చీప్ ఏపీ వెంకటేశ్వర్లు తిష్ట వేసి విచ్చలవిడిగా డబ్బులు వెదజల్లుతున్నారని విమర్శించారు. ఏపీ ఇంటెలిజెన్స్ చీప్ ఏపీ వెంకటేశ్వర్లుపై గవర్నర్‌కు, డీజీపీకి ఫిర్యాదు చేస్తామని, వారు చర్యలు తీసుకోకపోతే టీఆర్‌ఎస్ ప్రతీకార చర్యలకు దిగుతుందని బాల్క సుమన్ హెచ్చరించారు. ఇన్నాళ్లు చంద్రబాబుపై కేసులు వేసిన కాంగ్రెస్‌ నేతలు ఇప్పుడు చంద్రబాబు చేతులు పట్టుకుంటున్నారని ఆగ్రహం వ్యక్తం చేశారు.

అందుకే బాబుకు కోర్టు వారెంట్ జారీ చేసింది : కన్నా

Submitted by arun on Fri, 09/14/2018 - 13:50

సీఎం చంద్రబాబు నాయుడుకు నాన్‌బెయిలబుల్ వారెంట్‌ జారీలో తమ ప్రమేయం లేదంటున్నారు ఏపీ బీజేపీ అధ్యక్షుడు కన్నా లక్ష్మినారాయణ. వరుసగా 22 వాయిదాలకు వెళ్లకపోవడం వల్లే నోటీసులు జారీ అయ్యాయన్నారు. సాధారణంగా 3 సార్లు ముద్దాయిలు కోర్టుకు వెళ్లకపోతే నాన్‌బెయిలబుల్‌ వారెంట్‌ వస్తుందని వివరించారు. ఆపరేషన్ గరుడ గురించి అందరికి కంటే చంద్రబాబుకే ఎక్కువగా తెలుసన్నారు కన్నా. ఇప్పుడు కొత్తగా నోటీసుల వెనక మోదీ ఉన్నారని కొత్త డ్రామాలు ఆడుతున్నారని విమర్శించారు. చంద్రబాబు మీద కేసు కాంగ్రెస్‌ హయాంలో పెట్టిందని గుర్తు చేశారు. వాయిదాలకు వెళ్లకుండా చంద్రబాబు కోర్టులను అగౌరవపరిచేలా వ్యవహరించారని విమర్శించారు.

వాహనదారులకు సీఎం చంద్రబాబు శుభవార్త

Submitted by arun on Mon, 09/10/2018 - 15:13

ఆంధ్ర ప్రదేశ్‌లో వాహనదారులకు సీఎం చంద్రబాబు శుభవార్త చెప్పారు. విపరీతంగా పెరుగుతున్న పెట్రోల్, డీజీల్‌పై పన్ను తగ్గించాలని ముఖ్యమంత్రి నిర్ణయం తీసుకున్నారు. డీజిల్, పెట్రోల్‌పై రాష్ట్ర ప్రభుత్వం విధిస్తున్న పన్నులో లీటరుకు 2 రూపాయలు తగ్గించాలని నిర్ణయం తీసుకున్నారు. దీంతో వినియోగదారులకు కొంత ఊరట లభించే అవకాశం ఉంది.  ప్రస్తుతం విజయవాడలో లీటర్‌ పెట్రోల్‌ ధర 87 రూపాయల వరకు ఉండగా..డీజిల్‌ ధర 80 రూపాయలు వరకు చేరింది. 

ప్రధాని మోడీ కనుసన్నల్లోనే అంతా జరుగుతోంది : టీడీపీ

Submitted by arun on Fri, 09/07/2018 - 09:29

తెలంగాణ ఎన్నికల్లో టీడీపీ వ్యూహం ఏంటి..? అసెంబ్లీ రద్దు మ్యాచ్ ఫిక్సింగ్ అని తెలుగు తమ్ముళ్ళు భావిస్తున్నారా..? ప్రధాని మోడీ కనుసన్నల్లోనే అంతా జరుగుతోందని భావిస్తున్నారా..? తెలంగాణలో పొత్తులపై టీడీపీ ఏమనుకుంటోంది..? 
 

టీడీపీలో పొత్తుల కలకలం...అయ్యన్న, కేఈపై చంద్రబాబు ఆగ్రహం

Submitted by arun on Sat, 08/25/2018 - 07:46

తెలుగుదేశం పార్టీలో పొత్తుల తుఫాను అల్లకల్లోలం సృష్టిస్తోంది. మంత్రులు కేఈ, అయ్యన్న వ్యాఖ్యలపై తీవ్రంగా స్పందించిన ముఖ్యమంత్రి చంద్రబాబు పొలిట్‌ బ్యూరోలో చర్చించకుండా పొత్తులపై ఎలా మాట్లాడతారంటూ సీరియస్‌ అయ్యారు. పార్టీ ఎలాంటి నిర్ణయం తీసుకోకుండానే సీనియర్‌ మంత్రులు స్పందించడం తగదన్న చంద్రబాబు అలా ఎందుకు మాట్లాడాల్సి వచ్చిందో వివరణ ఇవ్వాలంటూ ఆదేశించారు. 

పవన్ ఎక్కడ?

Submitted by arun on Sat, 07/21/2018 - 11:07

బీజేపీ వంత పాడుతూ ఆంధ్రప్రదేశ్‌ ప్రయోజనాలను దెబ్బ తీస్తోన్నవారికి ప్రజలే తగిన బుద్ధి చెప్పాలని చంద్రబాబు పిలుపునిచ్చారు. లోక్‌‌సభలో ప్రధాని నరేంద్రమోడీ మాట్లాడిన తీరు బాధ కలిగించిందన్న చంద్రబాబు అధికారముందన్న అహంకారంతో మాట్లాడుతున్నారని మండిపడ్డారు. ఈరోజు ఢిల్లీ వెళ్లనున్న చంద్రబాబు ఆంధ్రప్రదేశ్‌కు ఎన్డీఏ సర్కార్‌ చేస్తోన్న ద్రోహాన్ని మొత్తం దేశం దృష్టికి తీసుకెళ్తామన్నారు. అలాగే కేంద్ర ప్రభుత్వ తీరుకు నిరసనగా ఈరోజు రాష్ట్రవ్యాప్తంగా నిరసనలకు చంద్రబాబు పిలుపునిచ్చారు.

జేసీ వ్యవహారాన్ని సీరియస్‌గా తీసుకున్న చంద్రబాబు

Submitted by arun on Thu, 07/19/2018 - 17:17

తెలుగుదేశం పార్టీ ఎంపీ జేసీ దివాకర్‌ రెడ్డి కీలక సమయంలో అలకబూనారు. పార్టీ ప్రవేశపెట్టిన అవిశ్వాస తీర్మానం సమయంలోనే పార్లమెంట్ సమావేశాలకు జేసీ రాకపోవడంతో ముఖ్యమంత్రి చంద్రబాబు నాయుడు సీరియస్‌గా తీసుకున్నారు. సాయంత్రంలోపు జేసీ వ్యవహారశైలిపై స్పష్టత వచ్చే అవకాశం ఉంది. పార్టీలో తగిన ప్రాధాన్యత దక్కకపోవడంతోనే అలక బూనినట్లు తెలుస్తోంది. మరోవైపు అనంతపురం అర్బన్ ఎమ్మెల్యే ప్రభాకర్‌ చౌదరి సీఎం చంద్రబాబు నాయుడుతో సచివాలయంలో భేటీ అయ్యారు. అనంతపురం టౌన్‌లో రోడ్ల విస్తరణ విషయంలో జేసీ దివాకర్‌రెడ్డి, ప్రభాకర్‌ చౌదరి మధ్య విభేదాలు తలెత్తాయ్.

చంద్రబాబు, జగన్‌కు పవన్ కల్యాణ్ ఓపెన్ చాలెంజ్

Submitted by arun on Sat, 07/07/2018 - 08:06

సీఎం చంద్రబాబుకు, ప్రతిపక్ష నేత జగన్‌కు.. జనసేన అధినేత పవన్ కల్యాణ్ ఓపెన్ చాలెంజ్ విసిరారు. విశాఖ రైల్వే జోన్ కోసం.. ముగ్గురం కలిసి రైల్ రోకో చేద్దాం.. అప్పుడెందుకు రైల్వే జోన్ రాదో చూద్దామన్నారు. విశాఖ రైల్వే జోన్‌పై తనకు చిత్తశుద్ధి ఉందని.. తెలుగుదేశం నాయకులకు చిత్తశుద్ధి ఉంటే.. రాజీనామాలు చేసి ముందుకు రావాలన్నారు పవన్. విశాఖ జిల్లా తగరపువలసలో.. టీడీపీ, బీజేపీపై పవన్ విమర్శలు గుప్పించారు.
 

3లక్షల ఇళ్లలో సామూహిక గృహ ప్రవేశాలు

Submitted by arun on Thu, 07/05/2018 - 17:11

రాష్ట్రవ్యాప్తంగా ఒకేసారి మూడు లక్షల మంది పేదలు తమ సొంత ఇళ్లలోకి గృహప్రవేశాలు జరిపే మహోన్నత కార్యక్రమానికి ఏపీ ప్రభుత్వం శ్రీకారం చుట్టింది. విజయవాడలో ఇందిరాగాంధీ మున్సిపల్ స్టేడియంలో జరిగే సభలో ముఖ్యమంత్రి చంద్రబాబు నాయుడు ఈ కార్యక్రమాన్ని ప్రారంభించారు. గతంలో ఒకేసారి లక్ష ఇళ్లకు గృహప్రవేశాలు నిర్వహించి కొత్త ఒరవడికి శ్రీకారం చుట్టిన గృహ నిర్మాణశాఖ అంతకు రెండు రెట్లు ఎక్కువగా మూడు లక్షల ఇళ్లకు సామూహిక గృహప్రవేశాలు చేపట్టింది. ఎన్టీఆర్ హౌసింగ్ స్కీమ్ కింద  రెండో విడతలో రాష్ట్రవ్యాప్తంగా 3లక్షల ఇళ్లలో సామూహిక గృహ ప్రవేశాలు జరిగాయి.