election commission of india

డిసెంబర్ 7న తెలంగాణ ఎన్నికలు

Submitted by arun on Sat, 10/06/2018 - 15:33

ఈ ఏడాది డిసెంబర్ 7న తెలంగాణ అసెంబ్లీకి ఎన్నికలు నిర్వహిస్తామని కేంద్ర ఎన్నికల సంఘం ప్రధాన అధికారి ఓపీ రావత్ స్పష్టం చేశారు. ఇవాళ మధ్యాహ్నం 3 గంటలకు కేంద్ర ఎన్నికల సంఘం అధికారులు మీడియాతో మాట్లాడారు. నాలుగు రాష్ర్టాల ఎన్నికల షెడ్యూల్ ప్రకటించిన ఓపీ రావత్.. తెలంగాణ అసెంబ్లీకి డిసెంబర్ 7న ఎన్నికలు జరుగుతాయని ప్రకటించారు. డిసెంబర్  11న కౌంటింగ్ జరుగుతుందని కేంద్ర ఎన్నికల సంఘం స్పష్టం చేసింది.

ఎమ్మెల్యే రవీందర్ రెడ్డిపై కేసు నమోదు

Submitted by arun on Thu, 10/04/2018 - 17:37

కామారెడ్డి జిల్లా ఎల్లారెడ్డి తాజా మాజీ ఎమ్మెల్యే, టీఆర్ ఎస్ నేత ఏనుగు రవీందర్ పై 171 బి కింద అధికారులు కేసు నమోదు చేశారు. ఎన్నికల ప్రచారంలో మహిళా సంఘాలకు ప్రలోభ పెట్టేలా మాట్లాడారని విచారణలో తేలింది. ఇందుకు సంబంధించిన రిపోర్ట్ ను ఎన్నికల సంఘానికి పంపినట్లు కామారెడ్డి జిల్లా కలెక్టర్ సత్యనారాయణ తెలిపారు. ఎన్నికల ప్రచారంలో భాగంగా మర్కల్ గ్రామంలో ఓట్ల కోసం మహిళా సంఘాలను ప్రలోభాలకు గురి చేసేలా ఆయన మాట్లాడారని ప్రతిపక్షాలు ఎలక్షన్‌ కమిషన్‌ను ఆశ్రయించాయి. ప్రతిపక్షాల ఫిర్యాదు మేరకు రాష్ట్ర ఎన్నికల కమిషన్ రంగంలోకి దిగింది. కామారెడ్డి కలెక్టర్‌ సత్యనారాయణ ఈ తతంగంపై విచారణ జరిపారు.

4 రాష్ట్రాలతోపాటే తెలంగాణ ఎన్నికలు

Submitted by arun on Sat, 09/29/2018 - 10:36

తెలంగాణలో ముందస్తుకు ముహూర్తం సిద్ధమైంది. 4 రాష్ట్రాలతో పాటే ఎన్నికలకు నిర్వహించేందుకు ఈసీ సిద్ధం అవుతోంది. శుక్రవారం భేటీ అయిన కేంద్ర ఎన్నికల సంఘం రాష్ట్రంలో ఎన్నికల ఏర్పాట్లపై పూర్తి సంతృప్తిని వ్యక్తం చేసింది. ఉమేశ్‌ సిన్హా కమిటీ రిపోర్ట్‌ను పరిశీలించిన ఈసీ తెలంగాణకు సీఈసీ ఆధ్వర్యంలో ప్రత్యేక అధికారుల బృందాన్ని పంపాలని నిర్ణయించింది. ఆ తర్వాతే ఎన్నికలు నిర్వహించే తేదీలను ఖరారు చేయనుంది. 

అధ్యయనం తర్వాతే అసలు కథ!! ఈసీ సీక్రెట్‌ ఇదే!

Submitted by santosh on Sat, 09/15/2018 - 11:50

ఎన్నికల సన్నద్ధతపై పూర్తి సంతృప్తి చెందాకే షెడ్యూల్ ఖరారు చేస్తామంటోంది ఎన్నికల కమిషన్. అన్ని అంశాలనూ పరిగణలోకి తీసుకున్న తర్వాతే, తేదీలను ప్రకటిస్తామంటోంది. అలాగే, రాజకీయ పార్టీలు మ్యానిఫెస్టో విడుదల చేసేముందు డ్రాఫ్ట్ ను, ఎన్నికల సంఘానికి ఇవ్వాలంటోంది. ఎన్నికల్లో ధన, మద్యం ప్రవాహాన్ని అడ్డుకునేందుకు పకడ్బందీ చర్యలు తీసుకుంటామంటోంది ఈసీ. తెలంగాణలో ఎన్నిక నిర్వహణ, ఏర్పాట్లపై ఎప్పటికప్పడు సమీక్షలు చేస్తోంది ఎన్నికల కమిషన్. ఈసారి ధన,మద్యం ప్రవాహంను అడ్డుకునేందుకు గట్టి నిఘా పెత్తామని అంటోంది.