Pragathi Nivedana Sabha

కొంగర కలాన్‌ చేరుకున్న సీఎం కేసీఆర్

Submitted by arun on Sun, 09/02/2018 - 18:04

ముఖ్యమంత్రి కేసీఆర్‌.... కొంగర కలాన్‌ చేరుకున్నారు. హెలికాప్టర్‌లో సభా ప్రాంగణానికి చేరుకున్న కేసీఆర్‌... మరికాసేపట్లో సభావేదికపైకి వెళ్లనున్నారు. అయితే అందరి దృష్టి కేసీఆర్‌ ప్రసంగంపైనే ఉంది. ఏం మాట్లాడతోరంటూ సర్వత్రా ఆసక్తి నెలకొంది. గంటన్నర‌పాటు ప్రసంగించనున్న కేసీఆర్‌‌.... సంచలన నిర్ణయాలు ప్రకటించే అవకాశం కనిపిస్తోంది. ప్రగతి నివేదన సభా వేదిక పైనుంచే ఎన్నికల శంఖారావం పూరించనున్నట్లు తెలుస్తోంది. 

ఉద్యోగులపై వరాల జల్లు కురిపించిన తెలంగాణ సర్కార్

Submitted by arun on Sun, 09/02/2018 - 17:04

ముందుస్తు ఎన్నికల ఊహాగానాల నేపథ్యంలో తెలంగాణ కేబినెట్‌ కీలక నిర్ణయాలు తీసుకుంది. ఉద్యోగులపై వరాల జల్లు కురిపించింది. బీసీల ఆత్మగౌరవ భవనాల నిర్మాణానికి భూములు, నిధులు కేటాయించేందుకు మంత్రివర్గం ఆమోదం తెలిపింది. అలాగే అర్చకుల పదవీ విరమణ వయసు పెంచిన సర్కార్ వారి వేతనాలు ప్రతినెల ప్రభుత్వం చెల్లించేలా నిర్ణయం తీసుకుంది.  రెడ్డి హాస్టల్‌ కోసం మరో 5 ఎకరాలు కేటాయించింది. అయితే, ముందస్తు ఎన్నికలపైనా, సంక్షేమ పథకాలపైనా కేబినెట్ ఎలాంటి నిర్ణయాలు తీసుకోకపోవడంతో కేవలం ప్రగతి నివేదన సభ కోస సక్సెస్‌ కోసమే సర్కార్ హడావిడి చేస్తున్నట్టు తెలుస్తోంది. 

రాముడి రూపంలో కేసీఆర్ కటౌట్

Submitted by arun on Sun, 09/02/2018 - 14:13

టీఆర్‌ఎస్ పార్టీ ప్రగతి నివేదన సభ సందర్భంగా ఏర్పాటు చేసిన సీఎం కేసీఆర్ కటౌట్లు అందరినీ ఆకట్టుకుంటున్నాయి రంగారెడ్డి జిల్లాలో టీఆర్‌ఎస్ నాయకులు సీఎం కేసీఆర్ కటౌట్‌ను శ్రీరాముడి రూపంలో ప్రదర్శించారు. ఈ కటౌట్‌లో కేసీఆర్‌తో పాటు మంత్రులు కేటీఆర్, మహేందర్‌రెడ్డి ఫోటోలను ప్రదర్శించి ప్రగతి నివేదన సభకు తరలిరండి అని స్వాగతం పలికారు టీఆర్‌ఎస్ నాయకుడు తేరుపల్లి రమేష్.

ఫ్రగతి నివేదన సభకు వాన గండం...సభా ప్రాంగణంలో కూలిన భారీ కటౌట్‌

Submitted by arun on Sun, 09/02/2018 - 09:56

అట్టహాసంగా ఏర్పాటు చేసిన ప్రగతి నివేదన సభకు వరుణుడు ఆటంకం కల్గించాడు. కొంగరకలాన్‌లో రాత్రి భారీ వర్షం కురిసింది. వర్షానికి వేదిక తడిచిముద్దయింది. ప్రాంగణంలో ఉన్న కటౌట్ కూలిపోయింది. ఇప్పటికే కొంగరకాలాన్‌ చేరుకున్న ప్రజలు ఇబ్బందులు పడ్డారు. ఇవాళ కూడా తెలంగాణ వ్యాప్తంగా అక్కడక్కడా వర్షాలు పడే అవకాశం ఉందని వాతావరణ శాఖ తెలపడం..టీఆర్‌ఎస్‌ శ్రేణులు కలవరపడుతోంది.  

టీఆర్‌ఎస్‌కు హైకోర్టులో ఊరట

Submitted by arun on Fri, 08/31/2018 - 12:35

టీఆర్‌ఎస్‌కు హైకోర్టులో ఊరట లభించింది. ప్రగతి నివేదన సభపైదాఖలైన పిటిషన్‌ను  హైకోర్టు కొట్టివేసింది. పర్యావరణ పరిరక్షణకు విఘాతం కలిగేలా సభను నిర్వహిస్తున్నారంటూ న్యాయవాది శ్రీధర్ దాఖలు చేసిన పిటీషన్‌పై హైకోర్టులో విచారణ జరిగింది. అయితే పర్యావరణానికి ఎలాంటి ఇబ్బందులు లేకుండా అన్ని ఏర్పాట్లు చేశామంటూ అడ్వకేట్ జనరల్ కోర్టుకు విన్నవించారు. అయితే లక్షలాది మంది ఒకే చోటుకు రావడం వల్ల ఇబ్బందులు తలెత్తుతాయంటూ పిటీషనర్ అభ్యంతరం లేవనెత్తారు. ఇందుకు తగిన జాగ్రత్తలు తీసుకుంటున్నామంటూ ..సభ ఏర్పాట్లను అడ్వకేట్ జనరల్ వివరించారు.