congress

వరంగల్‌లో ఆ 4 సీట్లు ఎందుకు హాట్‌ ఫేవరేట్‌?

Submitted by santosh on Mon, 11/19/2018 - 17:31

ఈ ఎన్నికల్లో వరంగల్ ఉమ్మడి జిల్లాలో ఆ నాలుగు స్దానాల్లో హోరాహోరీ తప్పదా కాంగ్రెస్, టీఆర్ఎస్, ఢీ అంటే ఢీ అంటున్నాయా ఎవరు గెలుస్తారన్న ఉత్కంఠపై బెట్టింగ్‌లు సైతం జోరు మీద సాగుతున్నాయా అసలు టఫ్‌ వార్‌కు కారణమేంటి ఎలాంటి సమీకారణాలు సమరాన్ని రసవత్తరంగా మారుస్తున్నాయి వరంగల్ జిల్లాలో అ రెండు పార్టీల మద్య నాలుగు సీట్ల ఫైట్‌పై స్పెషల్‌ స్టోరి. 

వైఎస్‌ ఆత్మకు చెక్‌ పడిందా?

Submitted by santosh on Mon, 11/19/2018 - 17:19

ఆయన ఒకప్పుడు ఉమ్మడి ఏపీ కాంగ్రెస్‌ను కనుసైగతో శాసించారు బలమైన సీఎంకే, బలమైన స్నేహితునిగా మెలిగారు ఆ‍యన కోరితే హైకమాండ్‌ కాదనలేదు. ఆయన కన్నెర్రజేస్తే స్టేట్‌ లీడర్‌ ఎవరైనా షేక్‌ అవ్వాల్సిందే. కానీ తెలంగాణ ఎన్నికల సమరంలో మాత్రం, ఆయన ఊసు వినిపించడం లేదు ఆయన హడావుడి కనిపించడం లేదు ఇంతకీ ఎవరాయన?

ఉమ్మడి రాష్ట్రంలో చక్రం తిప్పారు రాజ్యసభ సభ్యుడు కేవీపీ రామచంద్రరావు. అయితే ప్రస్తుతం ఆయన మాట కాంగ్రెస్‌ అధిష్టానం వద్ద చెల్లుబాటు కావడంలేదనే చర్చ పార్టీలో జోరుగా సాగుతోంది. ఆయనపై గత కొద్దిరోజులుగా తెలంగాణ కాంగ్రెస్ పార్టీలో ముఖ్యనేతలు అసంతృప్తిగా ఉన్నారనే చర్చ పార్టీలో ఉంది. 

మహాకూటమికి కేటాయించిన స్ధానాల్లో కాంగ్రెస్ పోటీ

Submitted by arun on Mon, 11/19/2018 - 15:52

కాంగ్రెస్‌లో ఓ వైపు  బుజ్జగింపులు కొనసాగుతుండగానే మరో వైపు స్నేహపూర్వక పోటీలను నేతలు సిద్ధమయ్యారు . మహాకూటమి పొత్తుల్లో 94 స్ధానాల్లో పోటీ చేస్తామన్న కాంగ్రెస్ ఇప్పటి వరకు 99 మంది నామినేషన్లు దాఖలు చేసింది. మహాకూటమిలోని ఇతర పక్షాలు పోటీ చేస్తున్న ఐదు స్ధానాల్లో అభ్యర్ధులను పోటీకి దించింది.  దుబ్బాక, మిర్యాలగూడ, వరంగల్‌ ఈస్ట్‌లో కాంగ్రెస్‌ వర్సెస్‌ టీజేఎస్‌గా పరిస్ధితి మారింది. మరో వైపు టీజేఎస్ తనకు కేటాయించిన ఎనిమిది స్ధానాలకు అదనంగా మరో 5 చోట్ల అభ్యర్ధులకు బీఫాంలు జారీ చేసింది.  

బండ్ల గణేశ్‌కు కీలక పదవి!

Submitted by arun on Mon, 11/19/2018 - 14:01

పవన్‌ కల్యాణ్‌ వీరాభిమానిగా చెప్పుకునే సినీ నిర్మాత బండ్ల గణేశ్‌ అనూహ్యంగా కాంగ్రెస్‌ పార్టీ తీర్థం పుచ్చుకుని అందరి దృష్టిని ఆకర్షించారు. పలు టీవీ చానళ్లలో హడావుడి చేస్తూ ఈ సారి ఎన్నికల్లో పోటీచేస్తున్నానని, రాజేంద్ర నగర్‌ టికెట్‌ తనదేనని ధీమా వ్యక్తం చేశారు. హస్తం పార్టీ తరపున ఎమ్మెల్యే టికెట్ ఆశించిన బండ్ల గణేష్‌కు ఆ పార్టీ మొండిచెయ్యి చూపింది. రాజేంద్రనగర్ సీటు ఆశించిన బండ్ల గణేష్‌కు మహా కూటమి రూపంలో నిరాశ ఎదురైంది. పొత్తులో భాగంగా రాజేంద్ర నగర్ టికెట్ టీడీపీ అభ్యర్థి గణేష్ గుప్తాకు దక్కింది.

అటు నామినేషన్లు.. ఇటు బుజ్జగింపులు..

Submitted by arun on Mon, 11/19/2018 - 11:41

తెలంగాణ కాంగ్రెస్ పార్టీలో రెబెల్స్ హ‌డావుడి తారాస్థాయికి చేరుకుంది. టిక్కెట్లు రానివారంతా క‌వ్వింపు చ‌ర్య‌లకు దిగుతున్నారు. అసంతృప్తుల్లో చాలామంది స్వ‌తంత్ర అభ్య‌ర్థులుగా బ‌రిలోకి దిగుతామంటూ ఇప్ప‌టికే ప్ర‌క‌టించారు. దీంతో హుటాహుటిని వీరంద‌రినీ బుజ్జ‌గించేందుకు కాంగ్రెస్ అధినాయ‌క‌త్వం రంగంలోకి దిగింది. శ‌నివారం రాత్రి మొద‌లైన ఈ బుజ్జ‌గింపులు ఇంకా కొనసాగుతున్నాయి. హైద‌రాబాద్ లోని పార్క్ హాయ‌త్ హోట‌ల్ ఈ బుజ్జగింపుల‌కు వేదిక‌గా మారింది.

కాంగ్రెస్ ఫైనల్ లిస్ట్ రిలీజ్‌..... బరిలో ఆర్‌. కృష్ణయ్య

Submitted by arun on Mon, 11/19/2018 - 10:20

కాంగ్రెస్‌ పార్టీ ఫైనల్‌ లిస్టును ప్రకటించింది. ఇప్పటివరకు 88మంది అభ్యర్ధులను అనౌన్స్ చేసిన కాంగ్రెస్‌ మిగిలిన ఆరుగురితో తుది జాబితా విడుదల చేసింది. అయితే ఎవరూ ఊహించని విధంగా టీడీపీ తాజా మాజీ ఎమ్మెల్యే ఆర్‌‌.కృష్ణయ్యకు మిర్యాలగూడ సీటును కేటాయించింది. ఇక ఫైనల్ లిస్ట్‌లోనైనా తమ పేరు ఉంటుందని ఆశించిన సీనియర్లకు మళ్లీ భంగపాటే ఎదురైంది.

హయత్‌ హోటల్‌లో బుజ్జగింపుల పర్వం..

Submitted by chandram on Sun, 11/18/2018 - 16:25

ఆశావహులు, అసంతృప్తులు, రెబల్స్‌తో కాంగ్రెస్‌ బుజ్జగింపుల కమిటీ సమావేశం కొనసాగుతోంది. హైదరాబాద్‌ బంజారాహిల్స్‌లోని పార్క్‌ హయత్‌ హోటల్‌లో కమిటీతో అసంతృప్తులు తమ గోడు వెళ్లబోసుకుంటున్నారు. పొత్తుల పేరుతో తమకు టిక్కెట్లు నిరాకరించొద్దంటూ వేడుకుంటున్నారు. ముఖ్యంగా వరంగల్‌ వెస్ట్‌ టిక్కెట్‌ ఆశిస్తున్న డీసీసీ ప్రెసిడెంట్‌ నాయిని రాజేందర్‌రెడ్డి తనకే కేటాయించాలని విజ్ఞప్తి చేశారు. గత 20 యేళ్లుగా కాంగ్రెస్‌ కు అవకాశం రాలేదని ఈ సారి టీడీపీ గెలిచే అవకాశం లేదని కమిటీ ముందు వాపోయారు. 

ఒక్కటికెట్ కేటయించడంపై యాదవ సంఘాల ఆందోళన

Submitted by chandram on Sun, 11/18/2018 - 16:12

గాంధీభవన్ వద్ద యాదవ సంఘాల నేతలు ఆందోళనకు దిగారు. యాదవులకు ఒక్కటికెట్ మాత్రమే కేటాయించడంపై నిరసనకు దిగిన నేతల కనీసం 5 టికెట్లు కేటాయించాలని డిమాండ్ చేశారు. లేదంటే కాంగ్రెస్‌కు వ్యతిరేకంగా పనిచేస్తామని హెచ్చరించారు. దీంతో యాదవుల సమస్యను అదిష్టానం దృష్టికి తీసుకెళ్తామని వీహెచ్ హామీ ఇచ్చారు. ఉత్తమ్ కుమార్ రెడ్డి డౌన్ డౌన్ అంటూ నినాదాలు చేశారు. యాదవులకు అన్యాయం చేశారంటూ మండిపడ్డారు. సీట్ల కేటాయింపులో బీసీలకు అన్యాయం జరిగిన మాట వాస్తవమేనని కాంగ్రెస్ మాజీ ఎంపీ వీహెచ్ అసంతృప్తి వ్యక్తం చేశారు.
 

రేపటితో ముగియనున్న నామినేషన్ల పర్వం..కాంగ్రెస్‌‌‌‌‌లో వీడని ఉత్కంఠత

Submitted by chandram on Sun, 11/18/2018 - 15:47

రేపటితో నామినేషన్ల పర్వం ముగుస్తున్న నేపథ్యంలో కాంగ్రెస్‌ పార్టీకి చెందిన ఆరు స్థానాల్లో అభ్యర్థులింకా ఖరారు కాకపోవడం ఉత్కంఠ రేపుతోంది. మొత్తం 94 స్థానాలకు గానూ 88 స్థానాల్లో అభ్యర్థులను ప్రకటించగా మిగతా ఆరు సీట్లలో పీఠముడి ఇంకా వీడటం లేదు. తుదిజాబితా కోసం ఎడతెగని కసర్తత్తు జరుగుతూనే ఉంది. కుంతియా, ఉత్తమ్‌లు ఆశావహులతో భేటీలు, సమావేశాలు జరుపుతూనే ఉన్నారు. 

పొత్తుల్లో భాగంగానే టికెట్ లేట్..

Submitted by chandram on Sun, 11/18/2018 - 14:28

మహా కూటమి పొత్తుల్లో భాగంగానే తనకు టికెట్ లేట్ అయిందని కాంగ్రెస్ నేత పొన్నాల లక్ష్మయ్య స్పష్టం చేశారు. హైదరాబాద్ పార్క్ హయత్ హోటల్ లో కాంగ్రెస్ బుజ్జగింపుల కమిటీని ఆయన కలిశారు. వీలున్నంతవరకు అందరికి కాంగ్రెస్ హైకమాండ్ న్యాయం చేస్తుందని పొన్నాల లక్ష్మయ్య అన్నారు. తను 35 సంవత్సరాలు కాంగ్రెస్ పార్టీలోనే ఉన్నా అయినా మరీ అధిష్ఠానం ఎందుకుఅలాచేసిందో తెలియదు కాని పార్టీ కలిపితీసుకపోయే భాధ్యతను మరింత భుజనవెసుకోని గెలుపుకోసమే కృషిచేస్తనని పొన్నాల తెలిపారు.