Just In

తెలిసీ తెలియకుండా మాట్లాడకూడదని వెళ్ళిపోయా : జగన్

Submitted by nanireddy on Sat, 11/17/2018 - 18:39

గతనెల 25న విశాఖ ఎయిర్పోర్టులో ఏపీ ప్రతిపక్షనేత వైయస్ జగన్మోహన్ రెడ్డిపై దాడి జరిగిన సంగతి తెలిసిందే. అయితే ఇన్ని రోజులు ఈ దాడి గురించి వైసీపీలోని ద్వితీయ శ్రేణి నాయకులు మాత్రమే మాట్లాడుతూ వచ్చారు. తాజగా పాదయాత్రలో భాగంగా పార్వతీపురం బహిరంగసభలో జగన్ మాట్లాడారు. ఈ సందర్బంగా తనపై జరిగిన దాడి విషయంపై మొదటిసారి స్పందించారాయన.. విశాఖ ఎయిర్పోర్టులో తనపై హత్యా యత్నం జరిగింది. ఈ దాడిని నేనే చేయించుకున్నానని, దాడి చేసిన వ్యక్తి(శ్రీనివాసరావు) వైసీపీకి చెందిన వ్యక్తేనని ముఖ్యమంత్రి చంద్రబాబునాయుడు అనడం బాధేసిందని అన్నారు.

మాల్దీవులు కొత్త అధ్యక్షునిగా ఇబ్రహీం మహ్మద్ సోలీ

Submitted by chandram on Sat, 11/17/2018 - 18:23

మాల్దీవులు కొత్త అధ్యక్షునిగా ఇబ్రహీం మహ్మద్ సోలీ  ప్రమాణ స్వీకారం కార్యక్రమం అత్యంత వైభంగా జరిగింది. పలు దేశాల అధ్యక్షులు పాల్గొన్న ఈ ప్రమాణ స్వీకార కార్యక్రమంలో భారత ప్రధాని మోడీ స్పెషల్ ఎట్రాక్షన్‌గా నిలిచారు. చైనా కబంద హస్తాల నుంచి మాల్దీవులను విముక్తి చేసేందుకు ఇబ్రహీం మహ్మద్ సోలీ సుముఖత వ్యక్తం చేయడంతో భారత్, అమెరికాలు స్నేహ హస్తాన్ని అందిస్తున్నాయి. ఈ నేపథ్యంలో మోడీ ప్రమాణ స్వీకార కార్యక్రమంలో పాల్గొనడం ప్రాధాన్యత సంతరించుకుంది.

అమ్మాయిలకు స్కూటీలు, 10 లక్షల ఉద్యోగాలు..

Submitted by chandram on Sat, 11/17/2018 - 17:56

ఎన్నికలు వస్తున్నయంటే చాలు హోరాహోరిగా ప్రచారంలో దూసుకుపోతుంటారు నేతలు, ప్రజలకు అరచేతిలోనే ఆకాశాన్ని చూప్తిస్తారు, ఇక హామీలకైతే హద్దే ఉండదు. అవి నేరవేరుస్తారో లేదో తెలియదు కాని హామీల వర్షం కురిపిస్తారు నేతలు. తాము ఎన్నికల్లో గెలిస్తే రాష్ట్రాని హైదరాబాద్ తరహాలో మెట్రోరైలు, పది లక్షల ఉద్యోగాలు, ఆడపిల్లలకు స్కూటీ అందజేస్తామని  మధ్యప్రదేశ్ రాష్ట్రంలో బీజేపీ నేతలు అన్నారు. కేంద్రమంత్రి అరుణ్ జైట్లీ, మధ్యప్రదేశ్ సీఎం శివరాజ్ సింగ్ చౌహన్ లు నేడు మేనిఫేస్టో విడుదల చేశారు. ఈ సందర్భంగా కేంద్ర ఆర్ధిక మంత్రి  జైట్లీ మాట్లాడుతూ ప్రజల కనీస జీవన ప్రమాణాలు పెంచడమే తమ అజెండా అని ఆయన వ్యాఖ్యానించారు.

అసంతృప్తులపై దృష్టి సారించిన కాంగ్రెస్ అధిష్టానం

Submitted by arun on Sat, 11/17/2018 - 17:47

రోజురోజుకు పెరుగుతున్న అసంతృప్తులపై కాంగ్రెస్ అధిష్టానం దృష్టి సారించింది. రెబల్స్‌గా పోటీ చేయాలని భావిస్తున్న అసంతృప్తులను బుజ్జగించేందుకు  ప్రత్యేక కమిటీని ఏర్పాటు చేసింది. కర్నాటక మంత్రి శివకుమార్, పాండిచ్చేరి సీఎం నారాయణస్వామితో పాటు మంత్రి మల్లాది కృష్ణారావులతో కమిటీని ఏర్పాటు చేశారు. అసంతృప్తులతో స్వయంగా మాట్లాడనున్న కమిటీ సభ్యులు పార్టీకి సహకరించాలని కోరనున్నారు.  రెండు రోజుల పాటు హైదరాబాద్‌లోనే కమిటీ సభ్యులు బస చేయనున్నారు. జిల్లాల వారిగా అసంతృప్త నేతల జాబితాను సిద్ధం చేసిన నేతలు కమిటీ సభ్యులకు అందజేశారు. 

రేవంత్‌కు షాకిచ్చిన కాంగ్రెస్‌!

Submitted by chandram on Sat, 11/17/2018 - 17:34

కాంగ్రెస్ పార్టీ మూడో జాబితాను,13 మంది అభ్యర్థుల పేర్లతో జాబితాను విడుదల చేసిన సంగతి తెలిసిందే అయితే విడుదలైన మూడో జాబితాలో మాజీ కొడంగల్ ఎమ్మెల్యే రేవంత్ రెడ్డికి కాంగ్రెస్ పార్టీ భారీ షాక్ ఇచ్చింది. రేవంత్ వర్గానికి చెందిన అరికెల నర్సారెడ్డిని, సుభాష్‌ రెడ్డిలకు నిజామాబాద్, కామారెడ్డిలో రెండు సీట్లు కేటాయించాలని రేవంత్ పట్టుబట్టిన ఆ సీట్లను సీనియర్ నేతలు ఎల్లారెడ్డి- జాజల సురేందర్‌, నిజామాబాద్‌ రూరల్‌ నుంచి రేకుల భూపతిరెడ్డిలకు కట్టబెట్టింది. దీంతో ఉమ్మడి నిజామాబాద్‌ జిల్లాలోని 9 నియోజకవర్గాలలో టీడీపీకి ఒక్క సీటు కూడా దక్కనేలేదు.

మరోసారి సంచలన వ్యాఖ్యలు చేసిన ఎంపీ జేసీ ...అనంతపురంలో ఐదుగురు ఎమ్మెల్యేలను...

Submitted by arun on Sat, 11/17/2018 - 17:28

టీడీపీ ఎంపీ జేసీ దివాకర్ రెడ్డి మరోసారి హాట్ కామెంట్స్ చేశారు. 2019 ఎన్నికల్లో రాష్ర్టంలో టిడిపి గెలవాలన్న చంద్రబాబు ముఖ్యమంత్రిగా కొనసాగాలన్న 40 శాతం ఎమ్మెల్యేలను మార్చాలన్నారు జేసీ. 
అనంతపురం జిల్లాలో ఐదుగురు ఎమ్మెల్యేలను మార్చకుంటే పరిస్థితి కష్టంగా ఉంటుందన్నారు. రాష్ట్రంలో ఎంపీలకు ఎటువంటి పవర్ లేకుండా పోయిందన్నారు. ఎంపీలకు ఉండాల్సిన పవర్ మొత్తం సీఎం చంద్రబాబు ఎమ్మెల్యేలకే కట్టబెట్టారన్నారు. 
 

రోజా బర్త్ డే స్పెషల్.. రాజన్న క్యాంటీన్లు

Submitted by chandram on Sat, 11/17/2018 - 17:00

ఏపీ నగరి ఎమ్మెల్యే రోజా పుట్టినదిన వేడుకలు తన కుటుంబసభ్యులతో ఘనంగా జరుపుకున్నారు. తన నియోజకవర్గమైన నగరిలో తన పుట్టినరోజు వేడుకలలో భాగంగా తనే స్వయంగా స్థాపించిన ఛారిటబుల్ ట్రస్ట్ ద్వారా రాజన్న క్యాంటీన్ల పేరుతో 2 మొబైల్ క్యాంటీన్లను ప్రారంభించారు. రూ.4 రూపాయలతో భోజనం అందించనున్నారు. రానున్న రోజుల్లో కూడా మరో రెండు మొబైల్ క్యాంటీన్లను ప్రారంభిస్తామని వెల్లడించారు. రోజా మాట్లాడుతూ తన పుట్టినరోజు పేదప్రజలకోరకు క్యాంటీన్లను ప్రారంభించడం చాలా సంతోషంగా ఉందని ఆనందం వ్యక్తం చేసింది. తన పుట్టినరోజు శుభాక్షాంక్షలు తెలిపిన ప్రతిఒక్కరికి ధన్యవాదములు తెలిపారు.

ఉత్తమ్ వల్లే నాకు టికెట్ దక్కలేదు : మర్రి శశిధర్‌రెడ్డి

Submitted by arun on Sat, 11/17/2018 - 16:50

సనత్ నగర్‌ సీటు తనకు రాకపోవడం వెనక కుట్రలు, కుతంత్రాలు ఉన్నాయంటున్నారు కాంగ్రెస్ సీనియర్ నేత మర్రి శశిధర్ రెడ్డి.  పీసీసీ చీఫ్‌ ఉత్తమ్ కుమార్ తీరు వల్లే తనకు టికెట్ దక్కలేదంటూ ఆయన ఆరోపించారు. సర్వేల పేరుతో తాను గెలవలేనంటూ స్క్రీనింగ్ కమిటీలో వాదించి టికెట్  రాకుండా అడ్డుకున్నారంటూ విమర్శించారు. తనకు టికెట్ రాకుండా ఉండేందుకే సనత్ నగర్ సీటును టీడీపీ అడగకపోయినా కేటాయించారంటూ మర్రి ఆరోపించారు.  పార్టీ కోసం త్యాగాల చేసేందుకు సిద్ధమంటూ ప్రకటించిన ఆయన పదవుల కోసం పాకులాడే వ్యక్తిత్వం తనదికాదన్నారు.  పొత్తుల అనంతరం విడుదల చేసిన అభ్యర్ధుల జాబితాపై మరోసారి ఆలోచించాలని అధిష్టానానికి సూచించారు.

పరువు హత్య...ప్రాణం ఉండగానే కాళ్లు చేతులు కట్టేసి నదిలో పడేశారు

Submitted by arun on Sat, 11/17/2018 - 16:41

కులాంతర వివాహం చేసుకున్న కుమార్తెపై కక్ష పెంచుకున్న తల్లిదండ్రులు ఆమెతోపాటు అల్లుణ్ని కూడా అత్యంత పాశవికంగా హత్య చేశారు. తక్కువ కులం అబ్బాయిని పెళ్లిచేసుకుని తమ పరువు తీసిందని భావించిన అమ్మాయి కుటుంబసభ్యులు ఇద్దర్నీ కావేరీ నదిలో తోసేసి హత్య చేశారు. అత్యంత కిరాతమైన ఈ ఘటన గతవారం కర్ణాటక- తమిళనాడు సరిహద్దుల్లో చోటుచేసుకుంది. పోలీసులు తెలిపిన వివరాల ప్రకారం... తమిళనాడు కృష్ణగిరి జిల్లాలోని ఓ గ్రామానికి చెందిన నందీష్(26), స్వాతి(19) గత కొంతకాలం నుంచి ప్రేమించుకుంటున్నారు. వీరి కులాలు వేరు కావడంతో నందీష్, స్వాతి పెళ్లికి అమ్మాయి తల్లిదండ్రులు ఒప్పుకోలేదు.

అధికారంలోకి వచ్చాక రోజాకి కీలక పదవి

Submitted by chandram on Sat, 11/17/2018 - 16:31

ఆంధ్రప్రదేశ్ ముఖ్యమంత్రి నారా చంద్రబాబు నాయుడి మానసిక స్థితి నిలకడగా ఉందని, ఇకపై తను ముఖ్యమంత్రిగా కొనసాగే అర్హత లేదని వైఎస్సార్ సీపీ ఎంపీ విజయసాయిరెడ్డి అన్నారు. చిత్తూరు జిల్లా నగిరిలో శనివారం ఎర్పాటుచేసిన బహిరంగసభలో విజయసాయి మాట్లాడుతూ రాబోయే ఎన్నికల్లో వైఎస్ఆర్ సీపీ అధినేత జగన్ మోహన్ రెడ్డి ముఖ్యమంత్రికావడం ఖాయం, అలాగే ఎపీ వైఎస్ఆర్ సీపీ జెండా ఎగరవేయడం ఖాయమని స్పష్టం చేశారు. అలాగే వైఎస్ఆర్ సీపీ అధికారపగ్గాలు చేపట్టిన మరుక్షణమే ఎమ్మెల్యే రోజాకు కీలక పోస్ట్ వర్తిస్తుందని ప్రకటించారు. మహిళల సమస్యలపై రోజా పోరాటం మరువలేనివని ఆయన గుర్తుచేశారు.