TRS Leader

టీఆర్‌ఎస్ నేత దారుణ హత్య

Submitted by arun on Tue, 11/06/2018 - 10:45

వికారాబాద్ జిల్లా పరిగి మండలం సుల్తాన్‌పూర్‌లో దారుణం జరిగింది. టీఆర్ఎస్‌ నాయకుడు నారాయణరెడ్డిని ప్రత్యర్ధులు హతమార్చారు. ఈ రోజు తెల్లవారుజామున పొలం దగ్గరకు వెళుతున్న ఆయనపై కర్రలతో దాడి చేసిన దుండగులు .. రాళ్లతో కొట్టి చంపారు.  గ్రామానికి చెందిన కాంగ్రెస్ నేత సుభాష్‌రెడ్డే ఈ హత్య చేయించాడంటూ నారాయణ రెడ్డి అనుచరులు విధ్వంసానికి దిగారు. సుభాష్‌పై దాడి చేసి తీవ్రంగా గాయపరిచారు. విషయం తెలుసుకుని గ్రామానికి చేరుకున్న పోలీసులు నారాయణ రెడ్డి అనుచరులను అదుపులోకి తీసుకున్నారు. ముందస్తు చర్యల్లో భాగంగా ఇరు వర్గాల నివాసాల దగ్గర భారీగా పోలీసులను మోహరించారు.

రాహుల్‌కు తెలిస్తే ఉత్తమ్ ఉద్యోగం ఊడిపోతుంది

Submitted by arun on Tue, 08/14/2018 - 16:49

రాహుల్ గాంధీ పర్యటన అట్టర్ ఫ్లాప్ అయిందని టీఆర్‌ఎస్ నేత, మాజీ మంత్రి దానం నాగేందర్ పేర్కొన్నారు. ఇవాళ తెలంగాణ భవన్‌లో ఆయన మీడియాతో మాట్లాడారు. తెలంగాణ ప్రజలు కాంగ్రెస్ పార్టీని నమ్మే స్థితిలో లేరని తెలిపారు. రాహుల్ పర్యటన నేపథ్యంలో రాష్ట్ర కాంగ్రెస్ నేతలు.. కిరాయికి ప్రజలను తీసుకువచ్చి ర్యాలీలు తీశారని ఎద్దెవా చేశారు. కాంగ్రెస్ నేతల ముఖం చూసి ఎవరైనా ఓట్లు వేస్తారా? అని దానం ప్రశ్నించారు. వచ్చే ఎన్నికల్లో గ్రేటర్‌లో కాంగ్రెస్ డిపాజిట్లు గల్లంతేనని జోస్యం చెప్పారు. ఇక సెటిలర్స్ గురించి మాట్లాడే హక్కు కాంగ్రెస్‌కు లేదన్నారు. అసలు సెటిలర్స్‌ను ఆకర్షించే మొహాలు కాంగ్రెస్‌లో ఉన్నాయా?