congreess

ఢిల్లీలో కాంగ్రెస్‌ ఆశావహుల ఆందోళన

Submitted by chandram on Sun, 11/11/2018 - 17:19

ఢిల్లీలో కాంగ్రెస్‌ ఆశావహుల ఆందోళనలు కొనసాగుతున్నాయి. టికెట్ల కేటాయింపులో ఎస్సీ అభ్యర్థులకు అన్యాయం జరుగుతోందని ఆరోపిస్తూ తెలంగాణభవన్‌వద్ద అంబేద్కర్‌ విగ్రహం ఎదుట దళిత నేతలు ఆందోళన చేపట్టారు. ప్యారాచూట్‌ నేతలకు సీట్లు కేటాయించొద్దని, పార్టీని నమ్ముకుని ఎన్నోఏళ్లుగా క్షేత్రస్థాయిలో పనిచేస్తున్నామని అన్నారు. నిన్నమొన్న పార్టీలోకి వచ్చినవారికి టికెట్లు ఇవ్వాలని చూస్తున్నారని, అభ్యర్థుల ఎంపికలో పారదర్శకత పాటించడంలేదని దళిత నేతలు ఆవేదన వ్యక్తం చేశారు.

కాంగ్రెస్ నేతలకు టీఆర్ఎస్ ఎమ్మెల్యే నోటీసులు

Submitted by arun on Thu, 07/26/2018 - 14:40

కాంగ్రెస్ నేతలు కోమటిరెడ్డి బ్రదర్స్‌ పై చర్యలు తీసుకోవాలని టీఆర్ఎస్ ఎమ్మెల్యే వీరేశం నల్గొండ జిల్లా ఎస్పీకి కంప్లయింట్ చేశారు. బొడ్డుపల్లి శ్రీనివాస్‌ హత్య కేసులో సంబంధం ఉందని అసత్య ప్రచారం చేస్తున్నారని ఆరోపించారు. కోమటిరెడ్డి బ్రదర్స్ తో పాటు వీచ్ , రేవంత్ రెడ్డిలకు నోటీసులు పంపారు. వారం రోజుల్లో కాంగ్రెస్‌ నేతలు క్షమాపణలు చెప్పాలని డిమాండ్ చేశారు. లేదంటే చట్ట ప్రకారం సివిల్‌, క్రిమినల్ చర్యలు తీసుకుంటామని ఆయన హెచ్చరించారు. వారి ఆరోపణలను ప్రచారం చేసిన రెండు టీవీ ఛానళ్లుకు కూడా ఎమ్మెల్యే లీగల్ నోటీసులు పంపారు.