road accident

సూర్యాపేటలో ఘోర రోడ్డు ప్రమాదం

Submitted by arun on Mon, 06/04/2018 - 10:29

సూర్యాపేట జిల్లాలోని కోదాడ మండలం కోమరబండలో ఘోర రోడ్డు ప్రమాదం జరిగింది. కోమరబండ బైపాస్‌ వద్ద ఆగి ఉన్న లారీని వేగంగా దూసుకొచ్చిన కారు వెనక నుంచి ఢీకొట్టింది. ఈ ప్రమాదంలో ఇద్దరు అక్కడికక్కడే మృతిచెందగా.. మరో ఇద్దరికి తీవ్ర గాయాలయ్యాయి. క్షతగాత్రులని కోదాడ ప్రభుత్వ ఆసుపత్రికి తరలించారు. ప్రస్తుతం వారి పరిస్థితి విషమంగా ఉంది. హైదరాబాద్‌ నుంచి రావులపాలెం వెళ్తుండగా ఈ ప్రమాదం చోటుచేసుకుంది. పోలీసులు ఘటనా స్థలానికి చేరుకొని కేసు నమోదు చేసి దర్యాప్తు చేస్తున్నారు. మృతి చెందిన వారు సత్యనారాయణ, సౌజన్యలుగా గుర్తించారు.. 

సికింద్రాబాద్‌లో అర్ధరాత్రి లారీ బీభత్సం

Submitted by arun on Fri, 06/01/2018 - 12:18

సికింద్రాబాద్‌లో అర్ధరాత్రి లారీ బీభత్సం స‌ృష్టించింది. ప్యాట్నీ సెంటర్‌లో వేగంగా వస్తున్న లారీ కార్లపైకి దూసుకెళ్లింది. దీంతో ఐదు కార్లు ధ్వంసం కాగా, పలువురికి గాయాలయ్యాయి. క్షతగాత్రులను వెంటనే ఆస్పత్రికి తరలించారు. ప్రమాద సమాచారం అందుకున్న పోలీసులు ఘటనాస్థలానికి చేరుకుని ప్రమాదానికి గల కారణాలను అడిగి తెలుసుకున్నారు. కేసు నమోదు చేసుకుని దర్యాప్తు ప్రారంభించారు.

ఘోర రోడ్డు ప్రమాదం... 10 మంది దుర్మరణం..

Submitted by arun on Fri, 06/01/2018 - 10:30

మహారాష్ట్రలో ఘోరం రోడ్డు ప్రమాదం జరిగింది. శుక్రవారం ఉదయం యవాట్మల్‌లోని అర్ని వద్ద రోడ్డు ప్రమాదం సంభవించింది. తవేరా వాహనం-ట్రక్కు ఢీ కొట్టిన ఘటనలో 10 మంది దుర్మరణం పాలయ్యారు. మరో ముగ్గురికి తీవ్ర గాయలైనట్లు తెలుస్తోంది. సమాచారం అందుకున్న పోలీసులు హుటాహుటినా ప్రమాద స్థలానికి వెళ్లి సహాయక చర్యలు చేపట్టారు. వేకువ ఝామున ఈ ఘటన జరిగిందని, ప్రమాదానికి కారణాలు తెలియాల్సి ఉందని స్థానిక ఎస్సై తెలిపారు. ఈ ప్రమాదంపై మరింత సమాచారం అందాల్సి ఉంది. 

కరీంనగర్‌ జిల్లాలో ఘోర రోడ్డుప్రమాదం

Submitted by arun on Tue, 05/29/2018 - 10:33

కరీంనగర్ జిల్లాలో రాజీవ్ రహదారి నెత్తురోడింది.  మానకొండూరు మండలం చెంజర్ల  దగ్గర  ఘోర రోడ్డు ప్రమాదం జరిగింది. హుజూరాబాద్ డిపోకు చెందిన బస్సు  వరంగల్ నుంచి కరీంనగర్ వస్తుండగా  లారీ- బస్సు ఢీ కొన్నాయి. ఈ ఘటనలో బస్సులోని ఆరుగురు ప్రయాణీకులతో పాటు లారీ డ్రైవర్‌ మృతి చెందగా 15 మంది  గాయపడ్డారు. బస్సును ఓవర్ టేక్ చేయబోయిన లారీ అదుపుతప్పి  బస్సును ఢీ కొట్టడంతో  ఈ ఘటన జరిగింది. ఈ ప్రమాదంలో బస్సు కుడి భాగం పూర్తిగా నుజ్జునుజ్జయ్యింది. బస్సులో  చిక్కుకున్న ప్రయాణీకులను చుట్టుపక్కల వారు బయటకు తీసి ఆసుపత్రికి తరలించారు.

రోడ్డుప్రమాదంలో ఎమ్మెల్యే సుగుణమ్మకు గాయాలు

Submitted by arun on Mon, 05/28/2018 - 16:40

తిరుపతి ఎమ్మెల్యే సుగుణమ్మ రోడ్డు ప్రమాదంలో సోమవారం  గాయపడ్డారు. ఆమె ప్రయాణిస్తున్న కారు విజయవాడ బెంజి సర్కిల్‌ వద్ద ఓ ఆటోను ఢీకొట్టింది. ఈ ప్రమాదంలో ఎమ్మెల్యేకు స్వల్ప గాయాలు అయ్యాయి. ఆమెను చికిత్స నిమిత్తం ఆస్పత్రికి తరలించారు.  మహానాడు కోసం ఎమ్మెల్యే  సుగుణమ్మ విజయవాడ వచ్చారు. ప్రమాదంపై పలువురు నేతలు సుగుణమ్మకు ఫోన్ చేసి వివరాలు అడిగి తెలుసుకున్నారు

కువైట్‌లో ఘోర ప్రమాదం: 17మంది మృతి

Submitted by arun on Mon, 04/02/2018 - 11:57

కువైట్‌లో ఘోర రోడ్డు ప్రమాదం జరిగింది. ఈ దుర్ఘటనలో 11 మంది భారతీయులు మృతిచెందారు. బుర్గాన్‌ చమురు నిక్షేపాల్లో విధులు ముగించుకున్న కార్మికులు.. 2 బస్సుల్లో ఇళ్లకు తిరుగుప్రయాణమైన సమయంలో ఈ ప్రమాదం జరిగింది. ఎదురెదురుగా వస్తున్న రెండు బస్సులు ఢీకొన్నాయి. ఈ ప్రమాదంలో 17 మంది మృతి చెందారు. మృతుల్లో 11 మంది భారతీయులతో పాటు ఈజిప్ట్‌, పాకిస్తాన్‌కు చెందినవారున్నారు.

ఆటోవాలా అత్యాశకు 11మంది బలి

Submitted by arun on Mon, 03/26/2018 - 10:48

ఆటో డ్రైవర్ నిర్లక్ష్యం..డబ్బు మీద అత్యాశ 11 మంది ప్రాణాలు తీసింది. వేగంగా వెళ్తున్న ఆటో అదుపు తప్పి రోడ్డు పక్కనే ఉన్న బావిలో పడిపోవడంతో నిజామాబాద్ జిల్లాలో 11 మంది చనిపోయారు. ఆటో డ్రైవర్ సహా నలుగురు సురక్షితంగా బయటపడ్డారు. పరిమితికి మంచి ప్రయాణికుల్ని ఆటోలో ఎక్కించడంతో పాటు అతి వేగమే ప్రమాదానికి కారణమని తేలింది.  

నిజామాబాద్‌ జిల్లాలో ఘోర ప్రమాదం

Submitted by arun on Sun, 03/25/2018 - 16:35

నిజామాబాద్ జిల్లాలోని ముప్కాల్ దగ్గర ఘోర ప్రమాదం జరిగింది. వేగంగా వెళ్తున్న ఆటో అదుపు తప్పి రోడ్డు పక్కనే ఉన్న బావిలో పడిపోవడంతో ఓ చిన్నారి సహా ఐదుగురు చనిపోయారు. మరో 9 మందిని స్థానికులు కాపాడారు. ప్రమాదం జరిగిన సమయంలో ఆటోలో 14 మంది ప్రయాణికులు ఉన్నారు. ఆటో ముప్కాల్ నుంచి మెండోరా వెళ్తుండగా ఈ ప్రమాదం జరిగింది. 
 

రోడ్డు ప్రమాదంలో క్రికెటర్ మహ్మద్ షమీకి గాయాలు

Submitted by arun on Sun, 03/25/2018 - 11:27

రోడ్డు ప్రమాదంలో టీమిండియా క్రికెటర్‌ మహ్మద్‌ షమీ గాయపడ్డాడు. డెహ్రడూన్‌ నుంచి ఢిల్లీ వస్తుండగా అతడు ప్రయాణిస్తున్న వాహనం ప్రమాదానికి గురైంది. ఈ ఘటనలో షమీ తలకు స్వల్ప గాయాలయ్యాయి. డెహ్రడూన్‌లో చికిత్స తీసుకుని అక్కడే విశ్రాంతి తీసుకుంటున్నాడని సన్నిహితులు వెల్లడించారు. భార్య హసీన్‌ జహాన్‌ ఆరోపణలు చేయడంతో వ్యక్తిగత జీవితంలో షమీ తీవ్ర సమస్యలు ఎదుర్కొంటున్నాడు.  

ఖమ్మం ప్రమాదం వెనుకు జీర్ణించుకోలేని చేదు నిజం

Submitted by arun on Sat, 03/10/2018 - 16:53

చావు. అందరికీ భయమే. ఎప్పుడైనా ఏ రూపంలోనైనా కాటేసే మరణమంటే చచ్చేంత భయం. ఎప్పుడు ఎక్కడ ఎలా చనిపోతామో...ఎవ్వరూ చెప్పలేరు. కనీసం ఊహకు కూడా అందదు. అలాంటి చావు దుర్మార్గమా చిదిమేస్తుంది. కారుణ్యం చూపించనంత కఠినంగా కాటేస్తుంది. ఖమ్మం జిల్లాలో నిన్న అదే జరిగింది. పెళ్లయిన కేవలం ఆరంటే ఆరు గంటల్లోనే మృత్యువు దారుణంగా పాశం వేసింది. పాశవికంగా ప్రాణాలు తీసేసింది. చావు ఎదురయ్యే ఆ క్షణం ముందే తెలిసిపోయిన ఆ ప్రాణాలు ఎంత అవిసిపోయాయో... ఎంతగా అల్లాడిపోయాయో పాపం.