katti Mahesh

పరిపూర్ణానంద బహిష్కరణను ఖండించిన కత్తి మహేష్

Submitted by arun on Wed, 07/11/2018 - 15:08

తనతో పాటు నగర బహిష్కరణకు గురైన శ్రీపీఠం పీఠాధిపతి పరిపూర్ణానంద స్వామికి మద్దతుగా నిలిచాడు కత్తి మహేష్. ఈ మేరకు తన ఫేస్ బుక్ ఖాతాలో ఓ పోస్టు పెడుతూ, బహిష్కరణలు సమస్యకు పరిష్కారం కాదని, బహిష్కరణ ఆధునిక ప్రజాస్వామ్య స్ఫూర్తికి విరుద్ధమని కత్తి మహేష్ అన్నారు. మనుషుల్ని ‘తప్పిస్తే’ సమస్యలు తప్పుతాయనే ఆటవిక సమాజం దిశగా ప్రభుత్వాలు పయనిస్తే అది తిరోగమనమే అవుతుందని కత్తి మహేష్ ట్వీట్ చేశారు.
 

కత్తిపై జానా గుస్సా

Submitted by arun on Wed, 07/04/2018 - 14:25

శ్రీరాముడిపై కత్తి మహేశ్‌ మాట్లాడిన విధానం సరైంది కాదన్నారు కాంగ్రెస్‌ సీనియర్ నేత జానారెడ్డి. కత్తి మహేశ్‌ చేసిన వ్యాఖ్యలను కాంగ్రెస్‌ పార్టీ ఖండిస్తుందన్న ఆయన టెర్రిరిస్టులకు, కత్తి మహేశ్‌కు తేడా లేదన్నారు. రెచ్చగొట్టే విధంగా కత్తి మహేశ్‌ మాట్లాడటం సరైంది కాదన్న ఆయన కఠిన చర్యలు తీసుకోవాలని ప్రభుత్వాన్ని డిమాండ్ చేశారు.  ఆయన బుధవారం మీడియాతో మాట్లాడుతూ కత్తి మహేశ్‌ లాంటి వారి వ్యాఖ్యలు వర్గాలను రెచ్చ గొట్టే  విధంగా ఉన్నాయన్నారు. సమాజంలో ఆందోళనలు కలిగించే విధంగా మాట్లాడటం క్షమించరానిదన్నారు. ఇలాంటి విషయాల్లో జర్నలిస్టులు సంయనం పాటించాలని, అసహ్యమైన మాటలు ప్రచురించకూడదన్నారు.

కత్తి మహేష్‌‌పై అర్థరాత్రి దాడికి యత్నం...9 మంది భజరంగ్‌దల్‌, వీహెచ్‌పీ కార్యకర్తల అరెస్ట్‌

Submitted by arun on Mon, 07/02/2018 - 10:24

హైదరాబాద్‌ బంజారాహిల్స్‌ పోలీస్‌ స్టేషన్ వద్ద అర్ధరాత్రి హైడ్రామా నడిచింది. రాముడ్ని కించ పరిచే విధంగా సినిమా క్రిటిక్ కత్తి మహేశ్‌ మాట్లాడారంటూ శ్రీరామ్‌సేన, విశ్వ హిందూ పరిషత్, భజరంగ్ దళ్ కార్యకర్తలు స్టేషన్ వద్ద ఆందోళన చేపట్టారు. కత్తి మహేశ్‌ను వెంటనే అరెస్టు చేయాలని డిమాండ్ చేస్తూ కత్తి మహేశ్‌కు వ్యతిరేకంగా నినాదాలు చేశారు. పరిస్థితి ఉద్రిక్తంగా మారడంతో 9 మందిని అరెస్ట్ చేశారు. అయితే అరెస్ట్ చేసిన వారిని వెంటనే విడుదల చేయాలంటూ భజరంగ్‌దళ్, శ్రీరాంసేన, విశ్వ హిందూ పరిషత్‌లు డిమాండ్ చేశారు.